Upadhyaya Udayvijay Rachit Pattavali Vissudhi

Author(s): Pradyumnasuri
Publisher: ZZ_Anusandhan

Page 10

[10
अण्णह जे जे सीसा, गुरवे क्खंते हवंति लहुअवया । वुड्डाणं पव्वज्जा, णो दायव्वा ति सिज्झइ तो ।।९२।। अह सीसा वुड्डा अवि, पट्टधरो किंतु लहुवओ चेव । तं पिअ चितिअमित्तं वुड्डस्स वि पट्टदाणाउ ।।९३|| जह सिरि जंबूसामी पभवाओ चउदवरिसलहुओ वि । पभवं चिअ पट्टधरं कासी जुगत्तणं णाउं ।।९४॥ जंबुस्स असीवरिसा पभवस्साउं हवंति पंचासी । जंबुस्स तहवि पभवो, पट्टधरो आसि केवलिणो ॥९५॥ चउरासी गणवइणो, आसी तेर्सि गणावि चउरासी । णियणियसीसे ठविलं, के विअ उसभेण सह सिद्धा ॥९६।। एगस्स सुहम्मस्स, जह परिवाडी इमंमि तित्थंमि । अण्णंमि तहेव भवे, इय रागदोसजं वयणं ॥१७॥ तम्हा जह सेट्ठीणं जह व निवाणं जहा व अण्णेसि । पट्टपरंपरणीई, तहेव इहयं पि नायव्वा ।।९८॥ ण य वत्तव्वं संपइ, रायाणं नत्थि पुविआ णीई । तेणेव रायपुत्तो संते पियरंमि नो राया ।।९९॥ जम्हा न होइ राया सो अहिसित्तोहवा अणहिसित्तो । पढमंमि विरोहो सक्खं, बीए णो कि वि णुववत्रं ॥१००॥ एएण गुरुपरुक्खे सिज्जइ पट्टोत्ति तंपि दुव्वयणं । ठविअव्वा विण भूओ जुत्तीइ ववतिं जम्हा ॥१०१॥ अण्णं च वायगाइअपयं तु पयर्ड हविज्ज गुरुदिण्णं । पट्टधरत्तं पुण सो जीवंतो व दाहित्ति ॥१०२॥ ता वंदणाइ सव् किच्चं जं णिम्मि तयं कम्मा । एवं पुच्छिज्जतो पावो भूमि पलोएइ ॥१०३॥