Upadhyaya Sakalchandragani Virachit Shrutaswad

Author(s): Shilchandrasuri
Publisher: ZZ_Anusandhan

Page 10

अनुसंधान-२३ अणिच्वं नरत्तं अणिच्चं सुरत्तं, अणिच्चं पहुत्तं अणिच्वं सुहित्तं । . अणिच्चं धणं जुव्वणं वा कुडंबं, अणिच्चं च कामाण सेवाविडंबं ॥७८॥ असासया कि न सुया हु भोगा ? किं नो खया कस्स धणाइजोगा ? । दिट्ठा न कि कस्स तणुम्मि रोगा? जं निब्भया चिट्ठह मुद्धलोगा ! ॥७९॥ असासया कम्मजुया पयत्था, किं ते कया ताण कए अणत्था । दाऊण सोयं तुह ते पणट्ठा, तणुम्मि कम्माण भरा पविट्ठा ॥८॥ भुत्ता न कि कत्थवि कामभोगा धणाइजोगा न हु किं ससोगा । दिट्ठा न किं कस्स गिहे विओगा जं निब्भया चिट्ठह मुद्धलोया ॥८॥
(द्वारं १६(१७))॥ रूवं बलं जुब्वणरिद्धिरज्जं, आरुग्ग सोहाग पहुत्तणं च । जं जं मणुनं तमणिच्चयं च, णच्चा बली सुद्धवयं च कुज्जा ||८२॥
(द्वारं १७(१९) ।। हयगयरहलक्खेहि वि रयणनिहाणेहिं भवउ सह धरणं । बल-केसव-चक्कीणं तहवि न जमहरणओ सरणं ॥८३॥ जो तिहुयणसंहरणं कुणइ हरी तस्सऽहो पुणो मरणं । इय नाऊण असरणं वसुदत्तो गिण्हए चरणं ॥८४॥ लोहाइधम्मधरणं भवउ तहा विविहदेवतासरणं । बहुविहमोसहकरणं तहवि हु मरणे न को सरणं ॥८५॥ गिण्हइ जमो नियरणं कुणइ कुडंबं गिहाउ नीहरणं । सुरअसुरहरिनराणं जया तया नत्थि को सरणं ॥८६।। (दारं १८(२०)। आया सया वच्चइ जीव एगो जाओ मओ जत्थवि तत्थ एगो । सयंकडं भुंजइ एस एगो चिच्चा य सव्वं दुहमेइ एगो ॥८॥ जीव ! तुमं जइ एगो कुणसि ममत्तं तु तुज्झ अविवेगो । जो होइ इह च्छेगो एगत्ते तस्स सुविवेगो ॥८८||