Upadhyaya Sakalchandragani Virachit Shrutaswad

Author(s): Shilchandrasuri
Publisher: ZZ_Anusandhan

Page 16

16
अनुसंधान-२३ धणकंचणकोडीओ दाऊण जहिच्छियं च लोगाणं । भावेण य सिवमग्गं उवयरियं जेण जगगुरुणा ॥१४५।। उवयारो तणुसारो उवयारो होइ धम्मआहारो । उवयारो हियकारो उवयारो तित्थउद्धारो ॥१४६॥ तेणुवयारो सारो उवयारो उत्तमाण आयारो । आहरण धरणकुमरो पत्तो जह कित्तिवित्थारं ॥१४७१ (दारं ३४(३६))। कहं तुमं कामगुणेहिं सुसंगो (संगो), धुत्तेहिं वा मित्तसहावसंरओ । जेहिं तुमं जीव अणेगसो मओ, हा ! सासओ मूढ ! असासओ कओ ॥१४८॥ सद्दाइया कामगुणा खणिक्का दाऊण ते तुज्झ ममत्तभावं । गएहि किं कंदसि रे वराय ! हा हा ! सुधुत्तेहिं व धुत्तिओसि ।।१४९।। कामंधिओ किं पभमेसि भुल्लो सदोसपिंडेण पफुल्लगल्लो । मायाइसल्लेण सया ससल्लो अन्नाणदोसेण बइल्लतल्लो ॥१५०॥ आया सुही विसयसल्लविसल्लचित्तो, राईमईइ रहनेमिमुणिव्व गुत्तो । आया दुही विसयपावगडज्झमाणो दिटुंतओ अरहदत्तकलत्तठाणो ॥१५१॥
(दारं ३५(३७))। अरिहंतचेइयाणं सिद्धायरियाइ सव्वसाहूणं । आसायणं अवन्नं धहयसु तहा पुज्जदव्वाणं ॥१५२॥ चमरिंदो जिणसरणो जिणदाढासायणं च छड्डेइ । जिणपडिमासायणओ पुव्वभवे अंजणा दुहिया ॥१५३॥ (दारं ३६(३८))। आया सुही भवइ झाणसरूवनाणो सो राजसो(से)हरनिवुच्च(ब)य अट्टझाणो। दो चक्किणुव्व नरए पुण रुद्दझाणो आया सुही भवइ धम्मसरूवझाणो ॥१५४॥
(दारं ३७(३९))॥ जह विणु रसेण सस्सं विणा रसिंदेण धातुसिद्धी य । दाणाइधम्मकिच्चं अहलं तं तह विणा भावं ॥१५५||