Book Title: Taponidhi Acharya Shree Vijaybhaktisuriji Jivan Prabha
Author(s): Fulchand Harichand Doshi
Publisher: Mafatlal Nyalchand Varaiya
View full book text
________________
આ તીર્થ અને આ ચમત્કારી પાર્શ્વપ્રભુની મૂર્તિ જગતની આશા પૂરવામાં ચિંતામણિ રત્ન સમાન છે.
મહા સમર્થ વિદ્વાન શ્રીમાન યશોવિજયજી મહારાજે ભક્તિરસથી ભરપૂર સ્તુતિથી ભરેલું સંસ્કૃતમાં ૧૧૩ કલેકેનું મોટું તેત્ર રચ્યું છે. આ સ્તંત્રમાં તેમણે શંખેશ્વર તીર્થની મુક્તકંઠે સ્તુતિ કરી છે.
શ્રી શંખેશ્વર પાર્શ્વનાથને મહિમા એ છે કે જગ્યાએ જગ્યાએ તેમની મૂર્તિ પધરાવેલ છે. જગqશાહે ભદ્રાવતી નગરી કચ્છ ભદ્રેશ્વરમાં શ્રી શંખેશ્વર પાર્શ્વનાથનું ગૃહત્ય વિ. સં. ૧૩૦૦ આસપાસમાં કરાવ્યું હતું.
ભરૂચમાં દશા ઓસવાલ શાહ પ્રેમચંદના પુત્ર ખુશાલચંદ્ર અને તેના પુત્ર શાહ સવાઈચંદ્ર શ્રી શંખેશ્વર પાર્શ્વનાથ પ્રભુની મૂતિ કરાવીને વિ. સં. ૧૮૪૯માં મહત્સવપૂર્વક બીજી મૂતિઓ સાથે પ્રતિષ્ઠા કરાવી હતી.
સુરતમાં શ્રી શંખેશ્વર પાર્શ્વનાથ પ્રભુનું દહેરાસર છે. ઉદયપુરથી ત્રણ માઈલ દૂર આઘાટ (આહડ) નામનું ગામ છે, જ્યાં શ્રીમાન જગતચંદ્રસૂરિજીને “તપ” બિરુદ મળ્યું હતું, તે આઘાટમાં શ્રી શંખેશ્વર પાર્શ્વનાથ પ્રભુનું મંદિર (૧૮૦૫) બનેલું મોજુદ છે.
રાજપૂતાના સિરોહીમાં પણ શ્રી શંખેશ્વર પાર્શ્વપ્રભુનું એક મંદિર છે.
૧૮૦.
