Book Title: Taponidhi Acharya Shree Vijaybhaktisuriji Jivan Prabha
Author(s): Fulchand Harichand Doshi
Publisher: Mafatlal Nyalchand Varaiya
View full book text
________________
જરૂર જણાતા આચાર્યશ્રીએ ભારે જહેમત ઉઠાવીને તેને માટે જુદા જુદા સંઘે અને તીર્થ પ્રેમી ગૃહસ્થો પાસેથી ફંડ કરાવ્યું હતું અને આજે જે સુંદર વ્યવસ્થા, તીર્થને મહિમા અને સુંદર ધર્મશાળા જેવાય છે, તે બધાને શ્રેય આપણું આચાર્ય ભગવંતને ફાળે જાય છે.
રાજપુરુષના પૂજ્ય આપણું ચરિત્રનાયક જ્યાં જ્યાં પધારતા ત્યાંના દરબારશ્રી તથા ઠાકરશ્રી ગુરુદેવનું સુધાભયું વ્યાખ્યાન સાંભળવા આવતા. ગુરુદેવ તેઓને માંસ મદિરાના ત્યાગને સચેટ ભાષામાં ઉપદેશ આપતા અને તેઓ માંસ મદિરાના ત્યાગની ગુરુદેવ પાસે પ્રતિજ્ઞા લેતા. ગુરુદેવ જીવદયા માટે ઉપદેશ આપતા અને શિકારમાં મૂંગા પશુઓને સંહાર થતાં કેટલું મોટું પાપ બંધાય છે તે સમજાવતા અને શિકાર માટે પણ પ્રતિજ્ઞા લેતા. પિતાના પ્રદેશમાં પર્વ દિવસમાં હિંસા ન થાય તે માટે પણ ગુરુદેવ ઉપદેશ આપતા અને ઘણું ઘણી જગ્યાએ પર્વ દિવસોમાં હિંસા બંધ થયેલી.
જામનગરના જામસાહેબ, તથા દિવાનસાહેબ, વઢવાણ નરેશ, લીંબડીના દરબાર, રાધનપુરના નવાબ, પાટડી, બજાણા અને થરાના ઠાકર વગેરેને મહારાજશ્રીએ ઉપદેશ આપી ધર્મ માર્ગે દોર્યા હતા. પ્રજાપાલનને ધર્મ પણ ગુરુદેવ સમજાવતા અને કેટલાએ દરબાર ગુરુદેવને પૂજ્ય માનતા હતા..
૧૯૮
