Shrutsagar 2017 05 Volume 12

Author(s): Hiren K Doshi
Publisher: Acharya Kailassagarsuri Gyanmandir Koba

Page 31

( गतांक से आगे...)
जैन न्यायनो विकास
मुनि श्री धुरंधरविजयजी
२४-२५ श्री रामचंद्रसूरिजी तथा श्रीगुणचंद्रसूरिजी
आ आचार्य तेरमां सैकामां थयां, ए बन्ने श्री हेमचंद्रसूरिजीनां शिष्य हतां. तेमां श्री रामचंद्रसूरिजी साहित्यमा अद्वितीय विद्वान हतां तेमणे सो काव्यग्रन्थो रच्यां छे. अने ‘सिद्धहेमशब्दानुशसासन' बृहद्वृत्ति उपर ५३००० श्लोकप्रमाण न्याय रच्यो छे. ते बन्नेए मळी स्वोपज्ञवृत्ति युक्त 'द्रव्यालंकार' नामनो न्यायग्रन्थ रच्यो छे. तेमां त्रण प्रकाश छे. पहेलामां जीवद्रव्यनुं स्वरूप, बीजामां पुद्गलद्रव्यनुं स्वरूप ने लीजामां धर्माधर्म आकाश आदिनुं स्वरूप-आ स्वप्रमाणथी सिद्ध करेल छे.
२६. श्री प्रद्युम्नसूरिजी
तेओ तेरमां सैकामां थयां, तेमणे 'वादस्थळ' नामनो एक ग्रन्थ रच्यो छे. जेमां जिनपतिसूरिनां मतानुयायिओ 'उदयनविहारमां प्रतिष्ठित थयेल जिनबिम्बो पूजनीय नथी, एम कहेतां हतां तेनुं खंडन छे.
२७. श्री रत्नप्रभसूरिजी
तेओ बारमां-तेरमां सैकामां थयां तेओ वादिदेवसूरिजीनां पट्टालंकार अने न्यायनां अपूर्व विद्वान हतां वादिदेवसूरिजीना 'स्याद्वादरत्नाकर' मां ते ओए सहकार आप्यो हतो. तेमनी संस्कृत लखवानी शक्ति अनन्य हती. तेमणे 'स्याद्वादरत्नाकर'मां प्रवेश करवा माटे ‘प्रमाणनयतत्त्वालोक' उपर 'रत्नाकरावतारिका' नामनी लघु वृत्ति रची छे, ते घणी विद्वत्तापूर्ण अने प्रतिभाशालिनी छे. तेमां बौद्ध नैयायिक 'अर्चट' अने ‘धर्मोत्तर’नो उल्लेख छे. तेमां शब्दनी रमक-झमक घणी ज छे. चक्षु प्राप्यकारी छे के अप्राप्यकारी ए विषयनो वाद सम्पूर्ण विविध छन्दोमां श्लोकबद्ध लख्यो छे. जगत्कर्तृत्वनो विध्वंस फक्त तेर वर्ण, त्रण स्यादिविभक्ति अने बे त्यादिविभक्तिमां ज गोठव्यो छे, ते आ प्रमाणे -
त्यादिवचनद्वयेन, स्यादिकवचनत्रयेण वर्णैस्तु ।
त्रिभिरधिकैर्दशभिरयं व्यधायि शिवसिद्धिविध्वंसः ॥
(ति, ते, । सि, टा, ङस्, । तथदधन, पबभम, यरलव ।) पोतानी आ वृत्ति माटे