Shravikanam Chaturvinshati Namaskar

Author(s): Shilchandrasuri
Publisher: ZZ_Anusandhan

Page 3

फेब्रुआरी-2005
63
पउमप्पह ! अपवग्गपहसासयसुहसंपत्त । सुविहाणं तुह भवभयण भविआ करई परत्त ॥६॥ देव ! वियलिय रयणिपन्भारु तारायणु अत्थमिउ ससहरेण गयणयलु वत्तउ । निन्नासियतिमिरभरु पुवदिसिहि करसिन्नु पत्तउ ॥ चउविहसंघ सचित्तमणु तुह भवणंगणि एइ । जिण सुपास ! सुविहाणुं तुह वंदण भत्ति करेइ |७|| केवि किंनर लेवि वरवीण आसारइ महुरगुणि केवि तालवर गीउं गा[याइं । वरनट्ट नच्चई अवर वंस सुहसुहाई वायई ॥ भामइ आरत्तिअ अवर मंगलतररवेण । चंदप्पह ! सुविहाण तुह जंपइ अवर खणेण ॥८॥ देव लेविणु पवर सिरखंडु मयनाहि-ससहरसहिओ(उ) सरस घुसिणरयरायरंजिओ(उ) । सम लहहिं जिणवरह तणु विविहकुसुमपब्भारपुज्जिओ(उ) !! वरकालागुरु सीसमिओ(उ) मीसिवि धूवु दहति । पुष्पदंत ! सुविहाणु तुह ते भवभमणि न हंति ॥९॥ नयविढत्तउ दविणु विच्चेवि कारावइं जिणभवणु तुंगसिहरगयणयल पत्तउ । पुण ठावइ बिंब तर्हि पाडिहेर-लक्खणिहिं जुत्तउ ॥ पुण तिकाल-वंदण करई गुरुवयणइं निसुणंति । सीयल ! तेसु कयत्थ नर जे सुविहाणु भणंति ॥१०॥ तिहिं घरंगणि रिद्धिवित्थारु सोहगु(ग्गु) जसु कित्ति चलु ताहअण (तिहुअणि) नवि कोइ खंडइ । जे लीण तुह वयणि भवसमुद्दतारणतरंडइ । जीवदयावरवरसहिय संजुत्ता सुअनाणि । सुविहाणुं सेयंस ! तुह जंपइ निसि-अवसाणि ॥११॥ लेवि दप्पणु निनयवि अप्पाणु