Shraman Mahavira

Author(s): Mahapragna Acharya
Publisher: Jain Vishva Bharati

Page 320

३०५ / श्रमण महावीर
१७४.
अणंता अगरुयलहुयपज्जवा, नत्थि पुण से अंते । सेत्तं खंदगा! दव्वओ लोए सअंते, खेत्तओ लोए सअंते, कालओ लोए अणंते, भावओ लोए अणंते। २. ठाणं, ३। ३३६ : अज्जोति! समणे भगवं महावीरे गोतमादी समणे निग्गंथे आमंतेत्ता एवं वयासी—किंभया पाणा? समणाउसो! गोतमादी समणा णिग्गंथा समणं भगवं महावीरं उवसंकमंति, उवसंकमित्ता वंदंति णमंसंति, वंदित्ता णमंसित्ता एवं वयासी- णो खलु वयं देवाणुप्पिया! एयमé जाणामो वा पासामो वा, तं जदि णं देवाणुप्पिया एयमटुं णो गिलायंति परिकहित्तए, तमिच्छामो णं देवाणुप्पियाणं अंतिए एयम] जाणित्तए। अज्जोति! समणे भगवं महावीरे गोतमादी समणे निग्गंथे आमंतेत्ता एवं वयासी-दुक्खभया पाणा समणाउसो! से णं भंते! दुक्खे केण कडे? जीवेण कडे पमादेणं। से णं भंते ! दुक्खे कहं वेइज्जति? अप्पमाएणं। , ४. उत्तराध्ययनं, सुखबोधा वृत्ति, पत्र १५४ : गोयमसामी ताणि घेत्तूण चंपं वच्चइ । तेसिं साल-महासालाणं पंथं वच्चंताणं हरिसो जाओ-जहा इमाई संसारं उत्तारियाणि। एवं तेसिं सुहेण अज्झवसाणेण केवलनाणं उप्पन्नं । इयरेसिं पि चिंता जाया- जहा एएहिं अम्हे रजे ठावियाणि, पुणो संसाराओ य मोइयाणि । एवं चिंतताणं सुहेणं अज्झवसाणेणं तिण्हं पि केवलनाणसमुप्पन्न। एवं ताणि उप्पत्राणाणि चंपं गयाणि, सामि पयाहिणीकरेमाणाणि तित्थं पणमिऊण केवलिपरिसं पहावियाणि । गोयमसामी वि भगवं वंदिऊणं तिक्खुत्तो पाएसु पडिओ, उट्ठिओ भणइ-कहिं वच्चह? एह तित्थयरं वंदह । ताहे सामी
भणइ- मा गोयमा! केवली आसाएहि। १७७. २. भगवई, १४। ७७ : रायगिहे जाव परिसा पडिगया। गोयमादी! समणे भगवं
महावीरे भगवं गोयमं आमंतेत्ता एवं वयासी-चिर संसिट्ठोसि मे गोयमा! चिरसंथुओसि मे गोयमा! चिरपरिचिओसि मे गोयमा! चिरजुसिओसि मे गोयमा! चिराणुगओसि मे गोयमा! चिराणुवत्तीसि मे गोयमा ! अणंतरं देवलोए अणंतरं माणुस्सए भवे किं परं मरणा
कायस्स भेदा इओ चुता दो वि तुल्ला एगट्ठा अविसेसमणाणत्ता भविस्सामो। १८३. १. आयारो, १।१-३ : सुयं मे आउसं! तेणं भगवया एवमक्खायं- इहमेगिसिं नो
सण्णा भवइ, तं जहा - पुरस्थिमाओ वा दिसाओ आगओ अहमंसि, दाहिणाओ वा दिसाओ आगओ अहमंसि, पच्चत्थिमाओ वा दिसाओ आगओ अहमंसि, उत्तराओ वा दिसाओ आगओ अहमंसि, उड्ढाओ वा दिसाओ आगओ अहमंसि, अहे वा दिसाओ आगओ अहमंसि, अण्णयरीओ वा दिसाओ आगओ अहमंसि, अणुदिसाओ वा आगओ अहमंसि, ...सेज्जं पुण जाणेज्जा- सहसम्मुइयाए, परवागरणेणं, अण्णेसिं वा अंतिए सोच्चा तं जहा- ...अणुदिसाओ वा आगओ अहमंसि।