Shastra Sandesh Mala Part 16

Author(s): Vinayrakshitvijay
Publisher: Shastra Sandesh Mala

Page 448

तो आणानाणाईविआरणा भूमिविरहिआ जाया / तत्थ वि अ पासचंदो रत्तो पत्तो अ पायालं // 948 // तेणं सावयधम्मे पवर जिणभवणपमुहनिम्मवणं / असदारंभपवत्ताण तत्तभव्वाण जलसाला // 949 // एवं तिहा वि वाया पासेण विगप्पिआ महापावा ! जह ते सम्मावाया हवंति तह किंचि दंसेमि // 950 // नाणा खलु विहिवाओ विहिवाओ नेव होइ आण त्ति / जइसद्दकज्जकारणपरूवणा होइ विहिवाए // 951 // जइ सम्मं जिणधम्म करिज्ज सो हुज्जऽवस्स वेमाणी। एवं पगोअवयणं असंभवपए वि संभवइ // 952 // सुहकामो जिणपूअं करिज्ज विहिणेव विही वि सुगिहीणं / भणिआ जिणेण न उणं मुणीण पुप्फाइहेऊहिं // 953 // हिंसाइपरो जीवो पाविज्जा निरयपमुहदुहजोणिं। . पीएज्ज पुट्ठिकामो घयं पि नीरोअदढदेहो // 954 // एवं विहिवाए वि अ कत्थ वि आणा कहिचि पडिसेहो / कत्थ वि उवेहवयणं एवं चरिआइवाएसु // 955 // आणा वि होइ दुविहा आएसुवएसपएहिं जिणसमए / मुणिधम्मे आएसो गिहीण जहसमयमुभयं पि . // 956 // आवस्सयउवहाणं अट्ठदिणेहिं पि साहुजोगु व्व / वासनिसेहप्पमुहं मोहुदया भासए पासो // 957 // तत्थुवहाणपइट्ठा परूविआ पुण्णिमीअवीसामे / वासस्स वि निक्खेवं कासी वीरो गणहराणं // 958 // एवं कुपक्खकोसिअसहस्सकिरणम्मि उदयमावण्णे चक्खुप्पहावरहिओ दसमुत्तो पासचंदु त्ति // 959 // 436