Book Title: Shastra Sandesh Mala Part 04
Author(s): Vinayrakshitvijay
Publisher: Shastra Sandesh Mala
View full book text
________________ एत्तो च्चिय पण्णवणी तप्फलभासा ण चेव आणमणी। ण य पुट्ठस्स भगवओ भासा इच्छाणुलोमा य // 36 // अह हीणं दव्वत्थयं अणुमण्णिज्जा ण संजओ त्ति मई / ता कस्स वि सुहजोगं तित्थयरो णाणुमण्णिज्जा // 37 // अलमेत्थ पसंगेणं दोण्ह वि अणुमोअणाई आणाणं / बीआहाणविसुद्धा दव्वाणा होइ णायव्वा // 38 // नोआगमभावाणा एसा णो बज्झकिरियमहिगिच्च / दव्वेण य भावेण य छेयत्तं जं सुए भणिअं // 39 // भावाणा पुण जायइ सम्मद्दिट्ठिस्स मूलमहिगिच्च। .. कज्जाकज्जे णाओ पवट्टइ तओ हिए पायं // 40 // परपरिणामुम्मग्गे चत्ते लद्धे अ नाणदीवम्मि। मग्गम्मि जं पवट्टइ एस सहावो हु जीवस्स // 41 // कह एस पुरा चत्तो णो चत्तो तेण णिच्चमुत्तेण। अन्नाणविलयमेत्तं चित्तं तु कमेण णिच्छयओ // 42 // पडिबंधो वि य एत्थं कंटकजरमोहसन्निभो भणिओ / तंते तव्वगमेणं मुक्खपुरे गमणमइरेणं // 43 // एवं णाऊण सया बुहेण होअव्वमप्पमत्तेण।। परिसुद्धाणाजोगे कम्मं णो फलइ रुदं पि // 44 // जह तुल्लणिमित्ताणं दीसइ वाही तहा समाही अ। परिहारेयरभावा तहेव एवं पि दट्ठव्वं // 45 // एसो य पुरिसगारो ण धावणाई गयाणुगइओ अ। अणिययसहावकम्मे एसो अ उवक्कमणहेऊ - // 46 // एवं तुल्लबलत्तं उववण्णं दइवपुरीसगाराणं / अण्णोणसमणुविद्धा जं दो वि फलं पसाहंति // 47 //
Page Navigation
1 ... 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 ... 306