Saptatika Part 02 Shashtam Karmgranth

Author(s): Ramyarenu
Publisher: Umra Jain S M P Sangh

Page 308

तिन्नेव य बावीसे, इगवीसे अट्ठवीस सत्तरसे । छच्चे व तेरनवबंधएसु पंचेव ठाणाणि ।। २३ ।। पंचविह चउविहेसुं छछक्क सेसेसु जाण पंचेव । पत्तेअं पत्तेअं, चत्तारि अ बंधवुच्छेए ॥ २४ ॥ दसनवपन्नरसाइं, बंधोदय संत पयडिठाणाणि । भणिआणि मोहणिजे, इत्तो नामं परं वुच्छं ॥ २५ ॥ तेवीस पण्णवीसा, छव्वीसा अट्ठवीस गुणतीसा । तीसेगतीसमेगं, बंधट्ठाणाणि नामस्स ॥ २६ ॥ चउ पणवीसा सोलस, नवबाणउईसया य अडयाला । एयालुत्तर छायालसया इक्विक बंधविही ।। २७ ।। वीसिगवीसा चउवीसगाउ, एगाहिआ य इगतीसा । उदयट्ठाणाणि भवे, नव अट्ठय हुंति नामस्स ॥ २८ ॥ इक्कबियालिक्कारस, तित्तीसा छस्सयाणि तित्तीसा । बारससत्तरससयाणहिगाणि बिपंचसीइहिं ॥ २९ ॥ अउणत्तीसिक्कारससयाणिहिअ सत्तरसपंचसट्ठीहिं । इक्किक्कगं च वीसादह्रदयंतेसु उदयविही ॥ ३० ॥ तिदुनउई गुणनउई, अडसी छलसी असीइ गुणसीइ । अट्ठ य छप्पन्नत्तरि, नव अट्ठ य नामसंताणि ॥ ३१ ॥ अट्ठ य बारस बारस, बंधोदयसंतपयडिठाणाणि । ओहेणाएसेण य, जत्थ जहासंभवं विभजे ॥३२॥ नव पणगोदय संता, तेवीसे पण्णवीस छव्वीसे । अट्ठ चउरट्ठवीसे, नव सगिगुणतीसतीसम्मि ॥३३॥ एगेगमेगतीसे, एगे एगुदय अट्ठ संतम्मि । उवरयबंधे दस दस, वेअगसंतम्मि ठाणाणि ॥३४॥
પ૯૨