________________
સ્વાનુભૂતિ
પ (૪) હે ભાઈ! વિકાર વગરના તારા જ્ઞાયક સ્વભાવને પ્રસિદ્ધ કરીને સંતો કહે છે તું ગભરા
મા. તારા સ્વભાવનો મહિમા સાંભળીને તે પ્રસન્ન થા! સિદ્ધ ભગવાનમાં જે નથી તે તારા સ્વરૂપમાં પણ નથી, અને સિદ્ધ ભગવાનમાં જે છે તે તારા સ્વરૂપમાં છે. આમ
જાણીને, વિકારના કર્તુત્વથી વિરામ પામીને તું ઉપશાંત થા! (૫) એક સેકંડનું સમ્યગ્દર્શન અનંત જન્મમરણનાં દુઃખોનો નાશ કરીને મોક્ષસુખનો
અપૂર્વ સ્વાદ ચખાડે છે. જીવને ત્રણ કાળ, ત્રણ લોકમાં સમ્યગ્દર્શન-સમાન શ્રેષ્ઠ હિતકારી બીજું કોઈ નથી. આવા સમ્યગ્દર્શનને હે જીવો! તમે સર્વ ઉધમપૂર્વક આજે
જ આરાધો... (૬) સર્વજ્ઞ ભગવંતોનું જ્ઞાન અને સુખ અતીન્દ્રિય છે એમ ઓળખનારને પોતાને પણ
અતીન્દ્રિય, જ્ઞાન અને સુખ થયું છે ને તેના બળે જ તેણે સર્વજ્ઞના અતીન્દ્રિયજ્ઞાન
સુખનો નિર્ણય કર્યો છે. (૭) આત્માનો પરમ સ્વભાવ સત્ છે; તે સને લક્ષમાં લઈ, તેનો પક્ષ કરી, તેના
અભ્યાસમાં દક્ષ થઈને તેને સ્વાનુભવથી પ્રત્યક્ષ કરો.... એટલે અપૂર્વ આનંદ સહિત
મોક્ષનો માર્ગ આત્મામાં ખૂલી જશે. (૮) મારે મારા આત્માના જ્ઞાન સ્વભાવ સાથે કામ છે. બીજા કોઈ સાથે મારે કામ નથી.
જ્ઞાન જ બધા પ્રશ્નોનું નિરાકરણ કરે છે. '
(૨૨૯
