________________
સંપ્રતિકાળે પણ સુખે પાળી શકાય તેવા આ નિયમોને તે જે આદરે-પાળે નહિ તેને સાધુપણાથકી અને ગૃહસ્થપણાથકી ઉભયથી ભ્રષ્ટ થયો જાણવો. - જેના હૃદયમાં ઉપર કહેલા નિયમો ગ્રહણ કરવાનો લગારે ભાવ ન હોય તેમને આ નિયમો સંબંધી ઉપદેશ કરવો એ (સિરા) સર વિનાના સ્થળે કુવો ખોદવા જેવો નિષ્ફળ થાય છે.
નબળા સંધયણ, કાળ, બળ અને દુષમ આરો એ આદિ હીણા આલંબન પકડીને પુરુષાર્થ વગરના પામર જીવો આળસ-પ્રમાદથી બધી નિયમધુરાને છોડી દે છે.
(સાંપ્રતકાળે) જિનકલ્પ વ્યચ્છિન્ન થયેલો છે, વળી પ્રતિમાકલ્પ પણ અત્યારે વર્તતો નથી તથા સંઘયણાદિકની હાનિથી શુદ્ધ સ્થવિરકલ્પ પણ પાળી શકાતો નથી; તો પણ જો મુમુક્ષુઓ આ નિયમોના આરાધનવિધિવડે સમ્યગ્ર ઉપયુક્ત ચિત્ત થઈ ચારિત્રસેવનમાં ઉજમાળ બનશે તો તે નિએ આરાધકભાવને પામશે.
આ સર્વે નિયમોને જે શુભાશયે વૈરાગ્યથી સમ્યફ રીતે પાળે છે, આરાધે છે તેમની ગ્રહણ કરેલી દીક્ષા સફળ થાય છે એટલે તે પ્રાંતે શિવસુખરૂપ ફળને આપે છે.
છે
(૦
૧૦.
