Book Title: Sadhna Path Author(s): Yashovijaysuri Publisher: Vardhaman Sevanidhi Trust View full book textPage 7
________________ પણ, ખરી મજા હવે છે. બુંદે પોતાના અસ્તિત્વને ખોયું, પણ પૂરો સમુદ્ર એણે મેળવી લીધો. હવે દરિયાનું કોઈ પણ બિંદુ હોય, તેના જળમાં પૂરા દરિયાઈ જળનું પ્રતિનિધિત્વ રહેવાનું. દરિયાઈ જળના તમામ ગુણધર્મો એ બુંદમાં રહેવાના. કબીરજી હવે કહે છે : સમુંદ સમાના બુંદ મેં.' બિંદુમાં પૂરો સમુદ્ર ઝલક્યો. પૂજ્યપાદ, સંઘસ્થવિર આચાર્ય ભગવંત શ્રીમદ્ વિજય સિદ્ધિસૂરીશ્વરજી મહારાજાની તપઃપૂત કાયામાં પરમ ચેતનાનો સમંદર ઉમટેલો દેખાતો. પોતાના સ્વત્વનું એમણે પ્રભુમાં નિમજજન કરેલુંને ! “સમુંદ સમાના બુંદ મેં.” આથી જ, આવા સદ્ગુરુ બારી જેવા કહેવાય છે. એક બારીની વ્યાખ્યા શી હોય? તમે છતની નીચે હો અને ભીંતોની વચ્ચે હો ત્યારે અસીમ અવકાશ જોડે તમને સંબદ્ધ કરી આપે તે બારી. લોખંડની ગ્રીલ કે સ્ટીલની ગ્રીલનું હોવું કે લાકડાનું ચોકઠું કે સ્ટીલનું ચોકઠું હોવું એ બારીની ઓળખ નથી. ઘણીવાર કબાટ અને બારી બહારથી સરખા દેખાતા હોય, પરંતુ તમે ખોલો અને અંદર ભીંત હોય તો કબાટ. અને ખોલો ને અંદર કાંઈ ન હોય તે બારી.. સદ્ગુરુની આ શૂન્યતા - અહંશૂન્યતા પ્રભુ સાથે આપણને જોડી આપે છે.Page Navigation
1 ... 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 ... 146
