Rishi Bhashit Sutra

Author(s): Purushottam Jain, Ravindra Jain
Publisher: Purshottam Jain, Ravindra Jain

Page 90

ਤੈਤੀਵਾਂ ਅਧਿਐਨ (ਮਹਾਂ ਸ਼ਾਲ ਪੁੱਤਰ ਅਰੂਣ ਅਰਹਤ ਰਿਸ਼ਿ ਭਾਸ਼ਿਤ)
“ਦੋ ਥਾਵਾਂ ਤੋਂ ਮਨੁੱਖ ਦਾ ਬਚਪਨ ਪ੍ਰਗਟ ਹੁੰਦਾ ਹੈ ਅਤੇ ਦੋ ਥਾਵਾਂ ਤੋਂ ਹੀ, ਉਸ ਦੀ ਸਿਆਨਪ ਪ੍ਰਗਟ ਹੁੰਦੀ ਹੈ। ਸਹੀ ਪ੍ਰਯੋਗ ਅਤੇ ਮਿਥੀਆ ਪ੍ਰਯੋਗ ਨਾਲ, ਕਰਮ ਨਾਲ ਅਤੇ ਬੋਲਚਾਲ ਨਾਲ”।
“ਭੈੜੇ ਬਚਨ ਬੋਲਣੇ, ਭੈੜੇ ਕੰਮ ਕਰਨੇ ਅਤੇ ਚੰਗੇ ਮੰਦੇ ਦਾ ਖਿਆਲ ਨਾ ਕਰਨ ਵਾਲਾ ਬਾਲ (ਅਗਿਆਨੀ) ਅਜਿਹਾ ਸਮਝੀਆ ਜਾਂਦਾ ਹੈ”। | 1 ||
“ਚੰਗੀ ਬਾਣੀ ਚੰਗੇ ਕੰਮ ਧਰਮ, ਕਰਮ ਦੀ ਪਹਿਚਾਨ ਹੀ ਪੰਡਿਤ (ਗਿਆਨੀ) ਦੀ ਪਹਿਚਾਨ ਹੁੰਦੀ ਹੈ”।॥2॥
“ਭੈੜੀ ਬੋਲੀ ਅਤੇ ਬੁਰੇ ਕੰਮ ਕਰਨ ਵਾਲਾ ਜੋ ਖੁਸ਼ੀ ਚਾਹੁੰਦਾ ਹੈ ਤਾਂ ਉਹ ਗੰਨ੍ਹੇ ਦੇ ਖੇਤ ਨੂੰ ਹਵਾ ਨਾਲ ਸਿੰਜਨ ਦੇ ਸਮਾਨ ਕੰਮ ਕਰਦਾ ਹੈ”। ॥3॥
ਚੰਗੀ ਬੋਲੀ ਅਤੇ ਚੰਗੇ ਕੰਮ ਦੇ ਰਾਹੀਂ ਮਨੁੱਖ ਸਮੇਂ ਤੇ ਬਰਸਨ ਵਾਲੇ ਬਦਲਾਂ ਦੀ ਤਰ੍ਹਾਂ ਜੱਸ ਨੂੰ ਪ੍ਰਾਪਤ ਕਰਦਾ ਹੈ”। ॥4॥
“ਸਾਧਕ ਅਗਿਆਣੀਆਂ ਦੇ ਨਾਲ ਮੇਲ ਮਿਲਾਪ ਰੱਖੇ, ਨਾ ਉਹਨਾਂ ਨਾਲ ਜਾਣਕਾਰੀ ਵਧਾਵੇ, ਨਾ ਉਹਨਾਂ ਨਾਲ ਧਰਮ, ਅਧਰਮ ਦੀ ਚਰਚਾ ਕਰੇ”। ॥5॥
“ਪਾਪ ਰਾਹੀਂ ਸੰਸਾਰ ਵਿੱਚ ਵੀ ਬੇਇਜਤੀ ਮਿਲਦੀ ਹੈ ਅਤੇ ਮਰਨ ਤੋਂ ਬਾਅਦ ਆਤਮਾ ਦੁਰਗਤੀ ਨੂੰ ਜਾਂਦਾ ਹੈ। ਇਸ ਲਈ ਸਾਧੂ ਅਗਿਆਣੀ ਆਤਮਾ ਨਾਲ ਮੇਲ ਨਾ ਰੱਖੇ”। || 6 ||
“ਸਾਧੂ ਪੁਰਸ਼ਾਂ ਦਾ ਸਮਾਗਮ ਕਰੇ ਸਾਧੂ ਪੁਰਸ਼ਾਂ ਦੀ ਪ੍ਰਸ਼ੰਸ਼ਾ ਕਰੇ, ਗਿਆਨੀ ਪੁਰਸ਼, ਧਰਮ ਦੀ ਚਰਚਾ ਵੀ ਸਾਧੂ ਪੁਰਸ਼ਾਂ ਨਾਲ ਕਰੇ”। ॥7॥
“ਸਾਧੂ ਸੁਭਾਅ ਪੁਰਸ਼ਾਂ ਦੇ ਨਾਲ ਆਤਮਾ ਨੂੰ ਇੱਥੇ ਵੀ ਜੱਸ ਪ੍ਰਾਪਤ ਹੁੰਦਾ ਹੈ ਅਤੇ ਪ੍ਰਲੋਕ ਵਿੱਚ ਵੀ ਸ਼ੁਭ ਗਤੀ ਪ੍ਰਾਪਤ ਹੁੰਦੀ ਹੈ”। ॥੪॥
[83]