________________
: પ્રકાશકીય નિવેદન :
શ્રી પુષ્પમાલા પ્રકરણ' ગ્રન્થ શ્રી સંઘના કરકમલમાં મૂકતાં આજે આનંદની લાગણી થાય છે.
આ પહેલાં આ ગ્રન્થ વિ.સં. ૧૯૬૭માં શ્રી જૈન શ્રેયસ્કર મંડળ તરફથી પ્રકાશિત થયો હતો અને તેનું પુનઃમુદ્રણ વિ.સં. ૨૦૪૪માં શ્રી જિનશાસન આરાધના ટ્રસ્ટ તરફથી પ્રકાશિત થયું છે.
આ ગ્રન્થના અર્થ સન્મિત્ર કપૂરવિજયજી મહારાજે ટૂંકાણમાં પણ સુંદર લખેલા છે તે જ રાખ્યા છે. કથાઓ પાછળ આપી છે.
આમ આ ત્રીજી આવૃત્તિ છે પણ તેમાં શક્ય તેટલી પાઠ શુદ્ધિ કરવાનો પ્રયાસ કરવામાં આવ્યો છે. આ કાર્યમાં પ્રો. કાંતિભાઈ બી. શાહનો પૂર્ણ સહયોગ સાંપડ્યો છે. તેની અમો સાભાર નોંધ લઈએ છીએ.
શ્રુતલાભ પણ જ્ઞાનરસપિપાસુ વ્યક્તિઓએ લીધો છે. મુદ્રણકાર્ય કિરીટ ગ્રાફીક્સ સુંદર રીતે પાર પાડ્યું છે. જેનું અમે સાનંદ સ્મરણ કરીએ છીએ.
પૂજ્ય સાધુ-સાધ્વીજી મહારાજ આ ગ્રન્થના સ્વાધ્યાય દ્વારા આત્મશુદ્ધિ કરીને પ્રભુ મહાવીર મહારાજાએ ચીંધેલા માર્ગે ચાલીને મોક્ષને વધુ ને વધુ નજીક લાવે તેવી શુભેચ્છા પ્રકટ કરીને વિરમીએ છીએ.
-પ્રકાશક