Paryushan na 4 thi 7 ma Divas na Vyakhyano

Author(s): Ajitshekharsuri
Publisher: Ajitshekharvijay

Page 328

ક્યા.
શ્રી શંખેશ્વર પાર્શ્વનાથાય નમઃ સિદ્ધમ્ ।
વ્યાખ્યાન નવમું-સાધુ-સાધ્વી સામાચારી
१. ते णं काले णं ते णं समए णं समणे भगवं महावीरे वासाणं सवीसइराए मासे विइक्कंते वासावासं पज्जोसवेइ ॥१॥ २. से केणट्टेणं भंते ! एवं वुच्चइ'समणे भगवं महावीरे वासाणं सवीसइराए मासे विइक्कंते वासावासं पज्जोसवेइ ?' जओ णं पाएणं अगारीणं अगाराई कडियाइं उक्कंबियाई छन्नाई लित्ताई गुत्ताइं घट्टाइं मट्ठाइं संपधूमियाइं खाओदगाई खायनिद्धमणाई अप्पणो अट्ठाए कडाइं परिभुत्ताइं परिणामियाइं भवंति से तेणट्टेणं एवं वुबइ- 'समणे भगवं महावीरे वासाणं सवीसइराए मासे विइक्कंते वासावासं पज्जोसवेइ' ॥२॥ ३. जहा णं समणे भगवं महावीरे वासाणं सवीसइराए मासे विइक्कंते वासावासं पज्जोसवेइ, तहा णं गणहरावि वासाणं सवीसइराए मासे विइक्कंते वासावासं पज्जोसविंति ॥३॥ ४. जहा णं गणहरा वासाणं जाव पज्जोसविंति तहा णं गणहरसीसा वि वासाणं जाव पज्जोसविंति ॥४॥ ५. जहा णं गणहरसीसा वासाणं जाव पज्जोसविंति तहा णं थेरावि वासाणं जाव पज्जोसविंति ॥५॥ ६. जाणं थेरा वासाणं जाव पज्जोसविंति तहा णं जे इमे अज्जत्ताए समणा निग्गंथा विहरंति, एएवि अ णं वासाणं. जाव पज्जोसविंति ॥ ६॥ ७. जहा णं जे इमे अज्जत्ताए समणा निग्गंथा वासाणं सवीसइराए मासे विइक्कंते वासावासं पज्जोसविंति तहा णं अम्हंपि आयरिया उवज्झाया वासाणं जाव पज्जोसविंति ॥७॥ ८. जहा णं अम्हं आयरिया उवज्झाया वासाणं. जाव पज्जोसविंति तहा णं अम्हेऽवि वासाणं सवीसइराए मासे विइक्कंते वासावासं पज्जोसवेमो, अंतरावि य से कप्पइ, नो से कप्पइ तं रयणिं उवायणावित्त ॥८॥ ९. वासावासं पज्जोसवियाणं कप्पइ निम्गंथाणं वा निग्गंथीण वा सव्वओ समंता सक्कोसं जोयणं उग्गहं ओगिण्हित्ता णं चिट्टिउं अहालंदमवि ओग्गहे ||९|| १०. वासावासं पज्जोसवियाणं कप्पइ निग्गंथाणं वा निग्गंथीण वा सव्वओ समंता सक्कोसं जोयणं भिक्खा-यरियाए गंतुं पडिनियत्तए ॥१०॥ ११. जत्थ नई निद्योयगा निचसंदणा, नो से कप्पइ सव्वओ समंता सक्कोसं जोयणं भिक्खायरियाए गंतुं
309 www.jainelibrary.org