Panchbhashi Pushpmala Gujarati

Author(s): Pratap J Tolia
Publisher: Vardhaman Bharati International Foundation

Page 6

૪ પંચભાષી પુષ્પમાળા પરમકૃપાળુદેવ શ્રીમદ્ રાજચંદ્રજીની “મોક્ષમાળાભાવનાબોધ' “આત્મસિદ્ધિ શાસ્ત્ર', “વચનામૃત', આદિ પરમોપકારક પ્રજ્ઞા-કૃતિઓમાં આ “પુષ્પમાળા' પ્રથમ ગણાશે. જન જન સુધી, ગુજરાત બહાર, ભારતભરમાં જ નહીં, વિશ્વભરમાં આ પહોંચવી જોઈએ, વિશ્વસમસ્તની ભાષાઓમાં આ વીતરાગ-વાણી મહેકવી જોઈએ, અનુગ્રંજિત થવી જોઈએ, અનૂદિત થવી જોઈએ. અશાન્ત, પથભ્રાન્ત વિશ્વ માટે આમાં શાંતિ અને પરમપ્રશાન્તિની ગુરુ ચાવી છે. વર્તમાનના સપુરુષોપરમગુરુજનોની આ મનીષા, ભાવના, પ્રેરણા છે.
શ્રીમદ્ રાજચંદ્રજીની આત્મજ્ઞાનના સર્વોચ્ચ સુવર્ણશિખર જેવી અનુપમ અમૃત-કૃતિ “શ્રી આત્મસિદ્ધિ શાસ્ત્રને સ્વસ્થ કરવા-ગાવા-રેકર્ડ કરવાનું અમને ૩૧ વર્ષ પૂર્વે સૌભાગ્ય સાંપડયું. પછી તેમના અને અનેક વર્તમાન પરમપુરુષોના પરમ અનુગ્રહરૂપે ફરીને આ કૃતિને “સપ્તભાષી આત્મસિદ્ધિ” શીર્ષક સપ્તભાષાઓના ગ્રંથરૂપમાં પણ સંપાદન કરવાનું ય અમને વિશેષ સૌભાગ્ય પ્રાપ્ત થયું.
“સપ્તભાષી આત્મસિદ્ધિ' ગ્રંથના સર્જન-સંપાદન-પ્રકાશન કરવાની અને શ્રીમદજીની અમૃતમય વીતરાગ વાણીને વિશ્વભરમાં પ્રસારિત અને અનુગંજિત કરવાની ઉપર્યુક્ત સર્વાધિક પ્રેરણા હતી “સદ્ગુરુ રાજ વિદેહના ચરણોમાં પરાભક્તિવશ આત્મસમર્પણ કરનાર” હેપી-કર્ણાટકના શ્રીમદ્ રાજચંદ્ર આશ્રમ0 ગુરુદેવશ્રી સહજાનંદઘનજી (ભદ્રમુનિજી)ની. તેમના શીઘ, અસમયના જીવનોપરાંત ભંભેલું “સપ્તભાષી આત્મસિદ્ધિ”નું કસોટી અને પરિશ્રમ- ભર્યું સંપાદન-પ્રકાશન કાર્ય સંપન્ન કરાવ્યું – અનેક પ્રકારની સહાયતાપૂર્વક, ઉક્ત ગ્રંથના પુરોવચન-લેખિકા વિદુષી સુશ્રી વિમલાતાઈ ઠકારે. પૂ. તાઈનું, શ્રીમદ્જીને આત્મસાત્ કરનારું પુસ્તક “અપ્રમાદયોગ (Yoga of Silence) એમનું એક અદ્ભુત પ્રદાન રહ્યું છે,
* જિનભારતી **