________________
૧૧ * - પંચભાષી પુષ્પમાળા
અંતરાત્માની નિર્દોષતા જોતાં મન હરી લે એવી મહાત્મ્યવાન
છે.
જો આપણને અવગાહતાં આવડે તો આ પુષ્પમાળામાં છ પદની સિદ્ધિનો માર્મિક ખુલાસો પણ સમાવેશ પામે છે.
આ માળામાં આજની સવાર-બપોર-સાંજની ચર્યાની ગૂંથણી કરી છે. વળી, જીવનમાં દરેક પાસાં કે જીવનની જરૂરિયાતો જેવી કે આહાર, ઊંઘ, આરામ ને આનંદનીયતા વિષે નવાં કર્મ ન બંધાય તેવી દિવ્ય દૃષ્ટિ આપી છે. એ આપણને મન, વચન, કાયાના ત્રણ દંડથી કેમ નિવર્તવું તે શીખવે છે. તેમજ આત્માના કલ્યાણનું, સુખનું પરમ સાધન સત્સંગની પ્રેરણા આપે છે. પ્રભુની વૈરાગ્યમય ભક્તિ, પુનર્જન્મનો વિશ્વાસ, નીતિ, સદાચરણ, નિર્વેરતા, ક્ષમા, સંતોષ, નિરભિમાનતા, દયા, ઇન્દ્રિયદમન, પરોપકાર, શીલ, સત્ય, વિવેક એ આદિ આત્મહિતૈષી વિષયોની સુદૃઢ તા કરાવે છે.
એટલા માટે ચાલો, આપણે એને લક્ષપૂર્વક મનન કરીએ. દસ વર્ષે રે ધારા ઉલ્લસી...” એ જ્ઞાનધારા પ્રવાહિત થઇ - શબ્દ દ્વારા. તેમાં નિમજ્જન કરીએ.
આ માળામાં પરમાત્માએ આજના જ દિવસનું કર્તવ્ય બતાવી, તેમાં જ આખા જીવનનું કર્તવ્ય બતાવી દેવાની ખૂબી કરી છે. આ માળાનાં વચનોના વિચાર અર્થે, પરિચર્યન અર્થે શ્રી વચનામૃતજી ગ્રંથનો આધાર લીધો છે.
પરમાત્માએ બાલ્યવયમાં જે પ્રૌઢવિચારણા અને * જિનભારતી
