Palipathavali

Author(s): Jinvijay
Publisher: Gujarat Puratattva Mandir Ahmedabad

Page 114

बुद्धघोस
१०५ पसाधनेहि सेसेहि तं तं भच्चं पसाधयि । कातिपाहं वसित्वेत्थ तम्बपणि उपागमि ॥ ३८ ॥ मापयित्वा तम्बपण्णिनगरं विजयो तहिं । वासि यक्खिनिया सद्धिं अमञ्चपरिवारितो ।। ३९ ॥ नावाय भूमिमोतिण्णा विजयप्पमुखा तदा । किलन्ता पाणिना भूमिमालम्बिय निसीदिसुं ॥ ४० ॥ तम्बभूमिरजोफुट्ठा तम्बपण्णी यतो अहू । सो देसो चेव दीपो च तम्बपण्णी ततो अहु ॥ ४ १ ॥ सहिबाहु नरिन्दो सो सीहमादिण्णवा इति । सीहलो तेन सम्बन्धा एते सब्बे पि सीहला ॥ ४२ ॥
५५. बुद्धघास
बोधिमण्डसमीपम्हि जातो ब्राह्मणमाणवो । विज्जासिप्पकलावेदी तीसु वेदेसु पारगो ॥ १ ॥ सम्माविञातसमयो सबवादविसारदो । वादत्थी सब्बदीपम्ही आहिण्डन्तो पवादिनो । २ ॥ विहारमेकं आगम्म रत्तिं पातञ्जली-मतं । परिवत्तेति सम्पुण्णपदं सुपरिमण्डलं ॥ ३ ॥ तत्थेको रेवतो नाम महाथेरो विजानिय । महापओ अयं सत्तो दमेतुं वट्टतीति सो ॥ ४ ॥ को नु गद्रभरावेन विरवन्तो ति अब्रुवि । गद्रभानं रवे अत्थं किं जानासीति आह तं ॥ ५ ॥ अंहं जाने ति वुत्तो सो ओतारेसि सकं मतं । वुत्तं वुत्तं वियाकासि विरोधम्पि च दस्सयि ॥ ६ ॥