Palipathavali

Author(s): Jinvijay
Publisher: Gujarat Puratattva Mandir Ahmedabad

Page 113

पालिपाठावली
' इमे छाता ' ति वुत्ता सा तण्डुलादि विनिदिसि । भक्खितानं वाणिजानं नावटै विविधं बहुं ॥ २४ ॥ भच्चा ते साधयित्वान भत्तानि व्यञ्जनानि च । राजपुत्तं भोजयित्वा सब्बे चापि अभुञ्जिसुं ॥ २५ ॥ दापितं विजयेनग्गं यक्खी भुञ्जिय पाणिता । सोळसवस्तिकं रूपं मापयित्वा मनोहरं ॥ २६ ॥ राजपुत्तं उपागन्छि सब्बामरणभूसिता। मापेसि रुक्खमूलस्मिं सयनञ्च महारहं ॥ २७ ॥ साणिया सुपरिक्खित्तं वितानसमलंकतं । तं दिस्वा राजतनयो पेक्खं अत्थमनागतं ॥ २८ ॥ कत्वान ताय संवासं निपजि सयने सुखं । साणिं परिक्खिपित्वान सब्बे भच्चा निपजिसुं ॥ २९ ॥ त्तिं तुरियसद्दञ्च सुत्वा गीतरवञ्च सो । अपुच्छि सहसेमानं । किं सद्दो' इति यक्खिनि ॥ ३० ॥ 'रज्जञ्च सामिनो देय्यं सब्बे यक्खा च घातिया । मनुस्सावासकारणा यक्खा मं घातेस्सन्ति हि' ॥ ३१॥ इति चिन्तिय यक्खी सा अब्रुवि राजनन्दनं । 'सिरीसवत्थुनामेन सामि यक्खपुरं इदं ॥ ३२ ॥ तत्य जेट्ठस्स यक्खस्स लङ्कानगरवासिनी । कुमारिका इधानीता, तस्सा माता च आगता ॥ ३३ ॥ आवाहमङ्गले तत्य इधापि उस्सवो महा । वत्तते तत्थ सहोयं महा हेस्स समागमो ॥ ३४ ॥ अजेव यक्खे घातेहि, न हि सका इतोपरं'। सा आहा 'दिस्समाने ते घातस्सामि कथं अहं' ॥ ३५ ॥ 'तत्थ सदं करिस्सामि तेन सद्देन घातय । आयुधं मानुभावेन तेसं काये पतिस्सति ' ॥ ३६ ॥ तस्सा सुत्वा तथा कत्वा सब्बयक्खे अघातयि । सयम्पि विजयो लद्धा यक्खराज-पसाधनं ॥ ३७ ॥