Nirayavalika Sutra

Author(s): Purushottam Jain, Ravindra Jain
Publisher: Purshottam Jain, Ravindra Jain

Page 29

ਗੰਧ ਹਸਤੀ ਸਮੇਤ 14 ਲੜੀਆਂ ਵਾਲਾ ਹਾਰ ਲੈ ਕੇ ਇੱਥੇ ਆ ਗਿਆ ਹੈ। ਸੋ ਆਪ ਵਿਹੱਲ ਕੁਮਾਰ, ਸੇਚਨਕ ਗੰਧ ਹਸਤੀ ਅਤੇ 14 ਲੜੀਆਂ ਵਾਲਾ ਹਾਰ ਸਾਡੇ ਕੋਲ ਭੇਜ ਦਿਉ। ॥65॥
ਇਸ ਪ੍ਰਕਾਰ ਉਹ ਦੂਤ ਰਾਜਾ ਕੋਣਿਕ ਦੁਆਰਾ ਆਖੇ ਵਚਨਾਂ ਨੂੰ ਸਵਿਕਾਰ ਕਰਕੇ ਆਪਣੇ ਘਰ ਆਇਆ ਅਤੇ 4 ਘੰਟੀਆਂ ਵਾਲੇ ਰੱਥ ਵਿੱਚ ਬੈਠ ਕੇ ਰਵਾਨਾ ਹੋਇਆ। ਉਹ ਵੈਸ਼ਾਲੀ ਨਗਰੀ ਪਹੁੰਚ ਕੇ ਆਰਿਆ ਚੇਟਕ ਨੂੰ ਹੱਥ ਜੋੜ ਕੇ, ਜੈ ਜੈਕਾਰ ਕਰਕੇ ਪ੍ਰਦੇਸ਼ੀ ਰਾਜਾ ਦੇ ਚਿੱਤ ਸਾਰਥੀ ਤਰਾਂ ਇਸ ਪ੍ਰਕਾਰ ਆਖਣ ਲਗਾ ਹੇ, ਸਵਾਮੀ! ਰਾਜਾ ਕੋਣਿਕ ਇਸ ਪ੍ਰਕਾਰ ਆਖਦੇ ਹਨ ਕਿ ਮੇਰਾ ਛੋਟਾ ਭਰਾ ਮੈਨੂੰ ਬਿਨ੍ਹਾਂ ਕੁੱਝ ਆਖੇ, ਸੇਚਨਕ ਗੰਧ ਹਸਤੀ ਅਤੇ 14 ਲੜੀਆਂ ਵਾਲਾ ਹਾਰ ਲੈ ਕੇ ਤੁਹਾਡੇ ਪਾਸ ਆ ਗਿਆ ਹੈ। ਇਸ ਲਈ ਆਪ ਇਸਨੂੰ, ਹਾਥੀ ਅਤੇ 14 ਲੜੀਆਂ ਵਾਲਾ ਹਾਰ ਨੂੰ ਮੇਰੇ ਨਾਲ ਭੇਜ ਦਿਉ। |66||
ਇਹ ਸੁਣ ਕੇ ਚੇਟਕ ਰਾਜੇ ਨੇ ਉਸ ਦੂਤ ਨੂੰ ਇਸ ਪ੍ਰਕਾਰ ਕਿਹਾ, “ਹੇ ਦੇਵਾਨੂੰਪ੍ਰਿਯ ਜਿਸ ਤਰ੍ਹਾਂ ਕੋਣਿਕ ਰਾਜਾ ਅਤੇ ਚੇਲਨਾ ਰਾਣੀ ਦਾ ਪੁੱਤਰ ਅਤੇ ਮੇਰਾ ਦੋਹਤਾ ਹੈ ਉਸ ਪ੍ਰਕਾਰ ਵਿਹੱਲ ਕੁਮਾਰ ਵੀ ਰਾਜਾ ਣਿਕ ਦਾ ਪੁੱਤਰ ਤੇ ਚੇਲਨਾ ਰਾਣੀ ਦਾ ਪੁੱਤਰ ਅਤੇ ਮੇਰਾ ਦੋਹਤਾ ਹੈ। ਸ਼੍ਰੇਣਿਕ ਰਾਜੇ ਨੇ ਅਪਣੇ ਜੀਵਨ ਕਾਲ ਵਿੱਚ ਵਿਹੱਲ ਕੁਮਾਰ ਨੂੰ ਸੇਚਨਕ ਗੰਧ ਹਸਤੀ ਅਤੇ 14 ਲੜੀਆਂ ਵਾਲਾ ਹਾਰ ਦਿੱਤਾ ਸੀ। ਫਿਰ ਵੀ ਜੇ ਰਾਜਾ ਕੋਣਿਕ ਹਾਥੀ ਅਤੇ 14 ਲੜੀਆਂ ਵਾਲਾ ਹਾਰ ਲੈਣਾ ਚਾਹੁੰਦਾ ਹੈ, ਤਾਂ ਉਸ (ਕੋਣਿਕ) ਰਾਜਾ ਨੂੰ ਚਾਹੀਦਾ ਹੈ ਕਿ ਵਿਹੱਲ ਕੁਮਾਰ ਨੂੰ ਅਪਣੇ ਰਾਜ ਦਾ ਅੱਧਾ ਹਿੱਸਾ ਦੇ ਦੇਵੇ। ਜੇ ਕੋਣਿਕ ਰਾਜਾ ਅਜਿਹਾ ਕਰਨਾ ਚਾਹੁੰਦਾ ਹੈ, ਤਾਂ ਮੈਂ ਵਿਹੱਲ ਕੁਮਾਰ, ਸਚੇਨਕ ਗੰਧ ਹਸਤੀ ਤੇ 14 ਲੜਾ ਹਾਰ ਭੇਜ ਸਕਦਾ ਹਾਂ। “ਇਸ ਪ੍ਰਕਾਰ ਆਖ ਕੇ ਰਾਜਾ ਚੇਟਕ ਨੇ ਉਸ ਦੂਤ ਨੂੰ ਆਦਰ ਸਤਿਕਾਰ ਦੇ ਨਾਲ ਵਿਦਾ ਕੀਤਾ। ॥67॥
- 23 -