Nirayavalika Sutra

Author(s): Purushottam Jain, Ravindra Jain
Publisher: Purshottam Jain, Ravindra Jain

Page 114

ਉਸ ਭੇਰੀ ਦੇ ਵਜਾਏ ਜਾਣ ਤੇ ਸਮੁੰਦਰ ਵਿਜੈ ਪ੍ਰਮੁੱਖ ਦਸ ਦਸ਼ਾਰਹ ਤੋਂ ਲੈ ਕੇ ਰੁਕਮਣੀ ਤੱਕ ਸਾਰੀਆਂ ਪਤਨੀਆਂ ਅਨੰਗਸੇਨਾ ਸਮੇਤ ਸਾਰਿਆਂ ਗਣਿਕਾਵਾਂ ਬਹੁਤ ਸਾਰੇ ਰਾਜਾ, ਤਲਵਰ, ਮਾਂਡਵਿਕ ਸਾਰਥਵਾਹ ਆਦਿ ਇਸ਼ਨਾਨ ਕਰਕੇ ਅਤੇ ਬੁਰੇ ਸੁਪਨੇ ਦੇ ਫੱਲ ਨੂੰ ਦੂਰ ਕਰਨ ਲਈ ਤਿਲਕ ਆਦਿ ਲਗਾ ਕੇ, ਹਾਰ ਸਿੰਗਾਰ ਕਰਕੇ ਤਿਆਰ ਹੁੰਦੇ ਹਨ। ਉਹ ਅਪਣੀ ਸੰਪਤੀ ਅਨੁਸਾਰ ਸਤਕਾਰ ਸਾਮਗਰੀ ਦੇ ਨਾਲ ਘੋੜੇ ਅਦਿ ਸਵਾਰੀਆਂ ਤੇ ਬੈਠ ਕੇ ਨੋਕਰ ਚਾਕਰਾਂ ਨਾਲ ਜਿੱਥੇ ਵਾਸਦੇਵ ਸਨ ਉੱਥੇ ਆਉਂਦੇ ਹਨ। ਉੱਥੇ ਆ ਕੇ ਉਹਨਾਂ ਸ਼੍ਰੀ ਕ੍ਰਿਸ਼ਨ ਦੀ ਜੈ ਜੈਕਾਰ ਕਰਦੇ ਹਨ।
ਉਸ ਤੋਂ ਬਾਅਦ ਸ਼੍ਰੀ ਕ੍ਰਿਸ਼ਨ ਵਾਸਦੇਵ ਨੇ ਆਪਣੇ ਕੋਟਬਿੰਕ ਪੁਰਸ਼ਾਂ ਨੂੰ ਬੁਲਾ ਕੇ ਇਸ ਪ੍ਰਕਾਰ ਕਿਹਾ, “ਹੇ ਦੇਵਾਨੂਪ੍ਰਿਆ! ਸਿੰਗਾਰੇ ਹਾਥੀ, ਘੋੜੇ, ਰੱਥ ਅਤੇ ਪੈਦਲ ਚਾਰ ਪ੍ਰਕਾਰ ਦੀ ਸੈਨਾ ਨੂੰ ਸਜਾ ਕੇ ਤਿਆਰ ਕਰੋ ਅਤੇ ਮੈਨੂੰ ਸੁਚਿਤ ਕਰੋ" ਕ੍ਰਿਸ਼ਨ ਵਾਸਦੇਵ ਦੀ ਅਜਿਹੀ ਆਗਿਆ ਸੁਣ ਕੇ ਕੋਟਬਿੰਕ ਪੁਰਸ਼ ਛੇਤੀ ਹੀ ਹਾਥੀ, ਘੋੜੇ, ਰੱਥ ਅਤੇ ਪੈਦਲ ਚਾਰ ਪ੍ਰਕਾਰ ਦੀ ਸੈਨਾ ਤਿਆਰ ਕਰਕੇ ਲੈ ਆਏ।
ਉਸ ਤੋਂ ਬਾਅਦ ਕ੍ਰਿਸ਼ਨ ਵਾਸਦੇਵ ਨੇ ਇਸ਼ਨਾਨ ਘਰ ਵਿੱਚ ਇਸ਼ਨਾਨ ਕੀਤਾ ਅਤੇ ਕਪੜੀਆਂ ਗਹਿਣੀਆਂ ਨਾਲ ਅਪਣੇ ਆਪ ਨੂੰ ਸਿੰਗਾਰ ਕੇ ਸਿੰਗਾਰੇ ਹਾਥੀ ਤੇ ਸਵਾਰ ਹੋਏ। ਸ਼ੁਭ ਸ਼ਗਨ ਦੇ ਲਈ ਅੱਠ ਅੱਠ ਮਾਂਗਲਿਕ ਵਸਤਾਂ ਅੱਗੇ ਚੱਲਿਆਂ। ਇਸ ਤੋਂ ਬਾਅਦ ਉਹ ਕ੍ਰਿਸ਼ਨ ਬਲਦੇਵ ਕੋਣਿਕ ਦੀ ਤਰ੍ਹਾਂ ਸਫੈਦ ਚਾਮਰਾਂ ਨਾਲ ਸਜੇ, ਸਮੁੰਦਰ ਵਿਜੈ ਸਮੇਤ 10 ਦਸ਼ਾਰਹ ਨੂੰ ਲੈ ਕੇ ਘਿਰੇ ਹੋਏ, ਭੇਰੀ ਬਾਜਿਆ ਦੇ ਸ਼ਬਦਾਂ ਦੀ ਧੁਨਾਂ ਨਾਲ ਚਾਰੇ ਦਿਸ਼ਾਵਾਂ ਗੁੰਜਾਦੇ ਦਵਾਰਕਾ ਦੇ ਵਿੱਚਕਾਰ ਗਲੀਆਂ ਸੜਕਾਂ ਪਾਰ ਕਰਦੇ ਹੋਏ, ਰੇਵਤਕ ਪਰਵਤ ਪਰ ਉਹ ਭਗਵਾਨ ਅਰਿਸ਼ਟਨੇਮੀ ਦੀ ਧਰਮ ਸਭਾ ਵਿੱਚ ਪੁੱਜੇ। ਹਾਥੀ ਤੋਂ ਹੇਠਾਂ ਉੱਤਰ ਕੇ ਕੋਣਿਕ ਦੀ ਤਰ੍ਹਾਂ ਤਿੰਨ ਵਾਰ ਪ੍ਰਤਿਖਿਨਾ ਲੈ ਕੇ ਬੰਦਨ ਨਮਸਕਾਰ ਕੀਤਾ ਅਤੇ ਸੇਵਾ ਕਰਨ ਲੱਗੇ । || 6 ||
- 108