Mahavira ka Swasthyashastra

Author(s): Mahapragna Acharya
Publisher: Adarsh Sahitya Sangh

Page 181

परिशिष्ट १६७
लेश्याध्यान और स्वास्थ्य • अह भंते ! पाणाइवाए मुसावाए अदिण्णादाणे,
मेहुणे परिग्गहे एस णं कतिवण्णे कतिगंधे, कतिरसे कतिफासे पण्णत्ते?
गोयमा ! पंचवणे दुगंधे, पंचरसे, चउफासे पण्णत्ते ।
अह भंते ! कोहे, कोवे, रोसे, दोसे, अखमा, संजलणे, कलहे, चंडिक्के, भंडणे, विवादे-एस णं कतिवण्णे जाव कतिफासे पण्णत्ते ?
गोयमा ! पंचवण्णे, दुगंधे, पंचरसे, चउफासे ।
अह भंते ! माणे, मदे, दप्पे, थंके, गव्वे अतुक्कोसे, परपरिवाए, उक्कोसे अवक्कोसे, उते, उण्णामे, दुण्णामे-एस णं कतिवण्णे जाव कतिफासे पण्णत्ते ?
गोयमा ! पंचवण्णे, दुगंधे, पंचरसे, चउफासे ।
अह भंते ! माया, उवही, नियड़ि, बलए, गहणे, णूभे, कक्के, कुरूए, जिम्हे, किब्बिसे, आयरणया, गृहणया, वंचणया, पलिउंचणया सातिजोगे-एस णं कतिवण्णे जाव कतिफासे पण्णत्ते ?
गोयमा ! पंच वण्णे, दुगंधे, पंचरसे, चउफासे पण्णत्ते ।
अह भंते ! लोभे, इच्छा, मुच्छा कंखा, गेही, तण्हा, भिज्झा, अभिज्झा आसासणया, पत्थणया, लालप्पणया, कामासा, भोगासा, जीवियासा, मरणासा नंदिरागे-एस णं कति वण्णे जाव कतिफासे पण्णत्ते ? -
गोयमा ! पंच वण्णे, दुगंधे, पंचरसे, चउफासे पण्णत्ते ।
अह भंते ! पेज्जे, दोसे, कलहे । अब्भक्खाणे पेसुन्ने परपरिवासु अरतिरती ए मायामोसे, मिच्छा सण सल्ले-एस णं कतिवण्णे जाव कति कासे पण्णत्ते ? गोयमा ! पंचवण्णे, दुगंधे पंचरसे, चउफासे पण्णत्ते ।
(भगवई १२/१०२-१०७) पंचासवप्पमत्तो, तीहिं अगुत्तो छसु अविरओ य । तिव्वारंभ परिणत्ते, खुद्दो साहसिओ नरो ।। निद्धंधसपरिणामो, निस्संसो अजिइंदिओ । एय जोग समाउत्ते कि हलेसं तु परिणमे ।। इस्सा अमरिस अतवो, अविज्जण्माया अहीरियाय । गेद्धी पओसे य सढ़े पमत्ते रसलीलुए साएगवेसए ।।