________________
પ૬૪
મા-બાપ છોકરાંનો વ્યવહાર
મા-બાપ છોકરાંનો વ્યવહાર
પ૬૫
મળી એ સારી. એવી બીજી બદલી લેવાય ?
પ્રશ્નકર્તા : ના.
દાદાશ્રી : બજારમાં મળે નહીં મા બીજી, નહીં ? અને મળે તો કામની ય નહીં. ગોરી ગમતી હોય તો ય આપણને શું કામની ? હમણાં છે એ સારી. બીજાની ગોરી જોઈને ‘આપણે ખરાબ છે' એવું ના બોલવું જોઈએ. ‘મારી મા તો બહુ સરસ છે' એવું કહેવું જોઈએ.
પ્રશ્નકર્તા : ભઈ પૂછે છે કે પપ્પાનું શું માનવાનું?
દાદાશ્રી : પપ્પાનું? એ શેમાં રાજી રહે એવું રાખજેને એમને. રાજી રાખતા ના આવડે ? એ રાજી રહે એવું કરજે.
પ્રશ્નકર્તા : હા, કરીશ.
દાદાશ્રી : એવું લાગે તને પણ પછી પ્રતિક્રમણ કરવું ત્યારે !
પ્રશ્નકર્તા : હિં. પછી એમને પણ જરા કઢાપો-અજંપો વધારે થઈ જાય ત્યારે થાય કે હવે આપણા નિમિત્તે આવું ના થવું જોઈએ. એવું થાય પછી.
દાદાશ્રી : ના, પણ એવું નહીં. “મારી ભૂલ થઈ” એમ કરીને પ્રતિક્રમણ કરવું પડે, તું અવળું બોલી તેનાં.
પ્રશ્નકર્તા : મને અમુક વાર ભૂલ લાગતી નથી મારી પોતાની, તેમની જ ભૂલ છે.
- દાદાશ્રી : ભૂલ થયા વગર કોઈને દુ:ખ અપાય જ નહીં ને આપણી ભૂલ થાય તો કો'કને દુ:ખ થાય.
પ્રશ્નકર્તા: મને તો એવું લાગે કે એમની પ્રકૃતિ જ એવી છે એવું લાગ્યા કરે.
દાદાશ્રી : આ બધા લોક સારી પ્રકૃતિ કહે છે ને તું એકલી કહું, એટલે ઋણાનુબંધ છે, હિસાબ છે.
પ્રશ્નકર્તા : એટલે દાદા એમ થાય કે એમને કચકચ કરવાની ટેવ જ પડી ગઈ છે.
દાદાશ્રી : હા, તો એથી કરીને એ તારી ભૂલ છે એમાં, ભૂલ તારી છે. એટલે મા-બાપને કેમ દુઃખ થયું એનું પ્રતિક્રમણ કરવું જોઈએ. દુ:ખ થવું તો ના જોઈએ, હવે ‘સુખ આપવા આવી છું” એવું મનમાં હોવું જોઈએ. “મારી એવી શી ભૂલ થઈ’ કે મા-બાપને દુઃખ થયું.
માં ગમે તેટલી હોય કાળી; છોકરાંને લાગે સદા રૂપાળી!
પગ, માથું દબાવી દે તે સેવા; પૈણ્યા પછી છોડી દે તે કેવા?
મા-બાપ એટલે મા-બાપ. આ દુનિયામાં પહેલામાં વહેલી સેવા કરવા જેવું સાધન હોય તો મા-બાપ. સેવા કરીશ એમની ?
પ્રશ્નકર્તા : હા, ચાલુ જ છે સેવા. ઘરકામમાં મદદ કરું છું. દાદાશ્રી : લ્યો, એ તો બધું નોકર રાખ્યો હોત તો તે ય કરે. પ્રશ્નકર્તા : એમાં પૈસા જાય ને !
દાદાશ્રી : તે તારી પાછળ નથી આપતા પૈસા. કપડાં પહેરાવાનું કરવાનું, જમાડે ને એ બધું. તેમાં તે શું કર્યું ? સેવા તો ક્યારે કહેવાય? એમને દુ:ખ થતું હોય, પગ ફાટતા હોય અને આપણે પણ એમને દબાવી આપીએ એવું તેવું બધું....
પ્રશ્નકર્તા : હા, એ હું કરું છું ને !
દાદાશ્રી : કરું છું ?! એમ ! મોટો થઈશ ત્યારે પપ્પા-મમ્મીને શું કરીશ ?
બાપા ખરાબ લાગતા નથી ?! એ લાગશે ત્યારે શું કરીશ ? એટલે ખરાબ એવું દુનિયામાં કશું હોતું નથી, આપણને ભેગું થયું એ બધું સારી ચીજ હોય છે. કારણ કે આપણા પ્રારબ્ધનું છે. મા મળી તે ય સારી. ગમે તેવી કાળી હોય, તો ય આપણી મા એ સારી. કારણ કે આપણને પ્રારબ્ધમાં
