________________
(૬) થોભ શેરીનું ગુરમંદિર -
પાંજરાપોળ શેરીની લગભગ સામે આવેલ થોભશેરીમાં આ ગુરુમંદિર આવેલ છે. તે શ્રી કલ્યાણસાગર સૂરિશ્વરજીનું મંદિર છે. તેમાં ગુરુદેવની પ્રતિમા તેમજ પાદુકા છે. અને આ દહેરાસર ‘અચલગચ્છ” નું છે. તેની સ્થાપના સંવત ૧૭૨૧ (ઈ.સ. ૧૬૬૫) માં થઈ હતી.૫૩
() શિવપારસ:
ભુજ-માંડવીના રસ્તા પર (ભુજથી ૮ કિ.મી.) શિવપારસ સંકુલ આવેલું છે. અહિં શિવમંદિર અને શ્રી પાર્શ્વનાથજીનું જૈન મંદિર એમ દ્ધિ મંદિરો આવેલાં છે. આ મંદિરની પ્રેરણા શિવભક્ત મુંબઇના શ્રી શાંતિલાલ ધારશી દોશીને થવાથી નિર્માણ કાર્ય થયું. અને ઈ.સ.૧૯૯૪ ના વૈશાખસુદ ૧૨-૧૩ ના દિવસોમાં શિવ-મહાવીરજીના મંત્રોચ્ચારની સાથે બંને દેવોની પ્રતિષ્ઠા થઇ. આ મંદિરના આર્કિટેક્ટ એન્જિનિયર શ્રી કીર્તિભાઈ નાનાલાલ શાહ છે. જૈન સાધ્વી માટે ઉપાશ્રયો, વ્યાખ્યાન હોલ, ભોજનશાળા તથા તરણહોજ પણ આવેલા છે. આ સ્થાનનું સંચાલન-શિવપારસ કલ્યાણ ટ્રસ્ટ –મુંબઈ કરે છે. ૫૪
ભુજમાં ઉપર્યુક્ત જિનાલયો ઉપરાંત જૈન સાધુસાધ્વીના ઉપયોગ માટે ઉપાશ્રયો આવેલા છે. તેમાં મુખ્યત્વે શ્રી તપગચ્છ જૈનસંઘના બે ઉપાશ્રયો છે, શ્રી ખરતરગચ્છ જૈન સંઘના બે ઉપાશ્રયો અને શ્રી અચલગચ્છ જૈનસંઘનાબે ઉપાશ્રયો છે. આ બધા ઉપાશ્રયો વાણિયાના ડેલામાં આવેલા છે. પપ જેન સ્થાનકો -
- ભુજમાં સ્થાનકવાસી જૈનોના જે સ્થાનકો આવેલા છે તેમાં મુખ્યત્વે નીચે મુજબનાં છે. : (ઉલ્લેખનીય છે કે ૨૦૦૧ ના ભૂકંપ પહેલાની સંદર્ભ માહિતીના આધારે અત્રે નોંધ કરેલી છે.) (૧) આઠ કોટિ મોટીપક્ષના સ્થાનકો -
આ સંઘના બે સ્થાનકો છે. મોટું સ્થાનક આશરે ૨૫૦ વર્ષ પહેલાનું લોકોકિત મુજબ મનાય છે. સંવત ૧૯૯૯ (ઇ.સ. ૧૯૪૩) માં તેનો જીર્ણોધ્ધાર થયો છે. પાછળથી તેનો વિસ્તાર કરી ફરી જીર્ણોધ્ધાર થયો અને સંવત ૨૦૩૩ (ઈ.સ. ૧૯૭૭) માં તેનું ઉદ્ઘાટન થયું હતું.
કચ્છમાં જૈન સંસ્કૃતિ- એક દૃષ્ટિપાત
૧૪૫
