Kasaypahudam Part 15

Author(s): Gundharacharya, Fulchandra Jain Shastri, Kailashchandra Shastri
Publisher: Bharatvarshiya Digambar Jain Sangh

Page 366

३३३
परिसिट्ठाणि १५ चारित्तमोहक्खबणा-अत्याहियारो
सुत्तगाहा-चुण्णिसुत्ताणि 'एत्तो से काले प्पहुडि किट्टीकरणद्धा । छसु कम्मेसु संतेसु संच्छुद्ध सु जा कोधवेदगद्धा तिस्से कोधवेदगद्धाए तिण्णि भागा। जो तत्थ पढमतिभागो अस्सकण्णकरणद्धा, विदियो तिभागो किट्टीकरणद्धा, तदियतिभागो किट्टीवेदगद्धा । अस्सकण्णकरणे णिट्ठिदे तदो से काले अण्णो टिदिबंथो। अण्णमणुभागखंडयमस्सकण्णकरणेणेव आगाइदं । अण्णं ट्ठिदिखंडयं चदुण्हं धादिकम्माणं संखेज्जाणि वस्ससहस्साणि । णामागोदवेदणीयाणमसंखेज्जा भागा। पढमसमयकिट्ठीकारगो कोधादो पुग्वफद्दएहितो च अपुव्वफद्दऐहितो च पदेसग्गमोकडियूण कोहकिट्टीओ करेदि । माणादो ओकड्डियण माणकिट्टीओ करेदि । मायादो ओकड्डियूण मायकिट्टोओ करेदि । लोभादो ओकड्डि यूण लोभकिट्टीओ करेदि । एदाओ सव्वाओ वि चउविहाओ किट्टीओ एयफद्दयवग्गणाणमणंतभागो पगणणादो।
"पढमसमीए णिन्वत्तिदाणं किट्टीणं तिब्वमंददाए अप्पाबहुमं बत्तइस्सामो । तं जहा । लोहस्स जहणिया किट्टी थोवा। विदया किट्टी अणंतगुणा। एवमणंतगुणाए सेढीए जाव पढमाए संगहकिट्टीए चरिमकिट्टि त्ति । तदो वियियाए संगहकिट्टीए जहणिया किट्टी अणंतगुणा । एस गुणगारो वारसण्हं पि संगहकिट्टीणं सत्थाणगुणगारेहिं अणंतगुणो । विदियाए संगहकिट्टीए सो चेव कमो जो पढमाए संगहकिट्टीए । 'तदो पुण विदियाए च तदियाए च संगहकिठ्ठीणमंतरं तारिसं चेव । एवमेदाओ लोभस्स तिण्णिं संगहकिट्टीओ । लोभस्स तदियाए संगहकिट्टीए जा चरिमा किट्टी तदो मायाए जहण्णकिट्टी अणंतगुणा । मायाए. वि तेणेव कमेण तिणि संगहकिट्टीओ।
'मायाए जा तदिया ‘संगहकिट्टी तिस्से चरिमादो किट्टीदो माणस्स जहणिया किट्ठी अणंतगुणा । माणस्स वि तेणेव कमेण तिणि संगहकिटीओ। माणस्स जा तदिया संगहकिट्टी तिस्से चेरिमादो किट्रीदो कोहस्स जहणिया किट्टी अणंतगुणा। कोहस्स वि तेणेव कमेण तिण्णि संगहकिट्टिओ। कोधस्स तदियाए संगहकिट्टीए जा चरिमकिट्टी तदो लोभस्स अपुब्बफद्दयाणमादिवग्गणा अणंतगुणा ।
१°किट्टीअंतराणमप्पाबहुअं वत्तइस्सामो। "अप्पाबहुअस्स लहुआलावसंखेवपदस्थसण्णाणिक्खेवो ताव कायन्वो । तं जहा। एक्केक्किस्से संगहकिट्टीए अणंताओ किडीओ। तासिं अंतराणि वि अणंताणि । तेसिमंतराणं सण्णा किट्टी-अंतराइ णाम । संगहकिट्टीए च संगहकिट्टीए च अंतराणि एक्कारस । तेसि सण्णा संगहकिट्टीअंतराइ णाम । 'एदीए णामसण्णाए किट्टीअंतराणं संगहकिट्टीअंतराणं च अप्पाबहुअ वत्तइस्सामो। तं जहा । लोभस्स पढमाए संगहकिट्टीए जहण्णय किट्टीअंतरं थोवं । विदियं किट्टीअंतरमणंतगुणं । एवमणंतराणंतरेण गंतूण चरिमकिट्टीअंतरमणंतगुणं । लोभस्स चेव विदियाए संगहकिट्टीए पढमकिट्टीअंतरमणंतगुणं ।
१. पृ० १। २. पृ० २। ३. पृ० ३। ४. पृ० ४। ५. पृ० ५। ६. पृ० ६ । ७. पृ० ७ । ८. पृ० ८। ९. पृ० ९ । १०. पृ० १० । ११. पृ० ११ । १२. पृ० १२ । १३. पृ० १३। .