Kasaypahudam Part 13

Author(s): Gundharacharya, Fulchandra Jain Shastri, Kailashchandra Shastri
Publisher: Bharatvarshiya Digambar Jain Sangh

Page 383

३३८
जयधवलासहिदे कसायपाहुडे 'चरिमहि दिखंडयमागाएंतो गुणसेढीए संखेज्जे भागे आगाएदि । अण्णाओ च उवरि संखेजगुणाओ हिदीओ।
२सम्मत्तस्स चरिमठिदिखंडए पढमसमयमागाइदे ओवट्टिजमाणासु हिदीसु जं पदेसग्गमुदए दिज्जदि तं थोवं । से काले असंखेजगुणं ताव जाव ठिदिखंडयस्स जहणियाए हिदीए चरिमसमयअपत्तो त्ति । सा चेव हिदी गुणसे ढिसीसयं जादं। "जमिदाणिं गुणसेढिसीसयं तदो उवरिमाणंतराए हिदीए असंखेजगुणहीणं । तदो विसेसहीणं जाव पोराणगुणसे ढिसीसयं ताव । तदो उवरिमाणंतर हिदीए असंखेजगुणहीणं । तदो विसेसहीणं । सेसासु वि विसेसहीणं । 'विदियसमए जमुक्कीरदि पदेसग्गं तं पि एदेणेव कमेण दिज्जदि । एवं ताव जाव हिदिखंडय-उक्कीरणद्धाए दुचरिमसमयो त्ति । हिदिखंडयस्स चरिमसमये ओकडमाणो उदये पदेसग्गं थोवं देदि । से काले असंखेजगुणं देदि । एवं जाव गुणसे ढिसीसयं ताव असंखेजगुणं । गुणगारो वि दुचरिमाए ट्ठिदीए पदेसग्गादो चरिमाए ट्ठिदीए पदेसग्गस्स असंखेजाणि पलिदोवमवग्गमूलाणि । चरिमे हिदिखंडए णिट्ठिदे कदकरणिज्जो त्ति भण्णदे ।
ताधे मरणं पि होज । लेस्सापरिणाम पि परिणामेज । "काउ-तेउ-पम्म-सुक्कलेस्साणमण्णदरो। उदीरणा पुण संकिलिट्ठस्सदु वा विसुज्झदु वा तो वि असंखेजसमयपबद्धा असंखेजगुणाए सेढीए जाव समयाहिया आवलिया सेसा त्ति । ११ उदयस्स. पुण असंखेजदिभागो उक्कस्सिया वि उदीरणा।
'पलिदोवमस्स असंखेज्जभागियमपच्छिमं ठिदिखंडयं तस्स ठिदिखंडयस्स चरिमसमए गुणगारपरावत्ती तदो आढत्ता ताव गुणगारपरावत्ती जाव चरिमस्स हिदिखंडयस्स दुचरिमसमयो त्ति । सेसेसु समयेसु णत्थि गुणगारपरावत्ती। "पढमसमय-कदकरणिज्जो जदि मरदि देवेसु उववजदि णियमा । १४जइ रइएसु तिरिक्खजोणिसु वा मणुसेसु वा उववजदि णियमा अंतोमुहुत्तकदकरणिज्जो। "जइ तेउ-पम्म-सुक्के वि अंतोमुहुत्तकदकरणिज्जो। १"एवं परिभासा समत्ता।
"दसणमोहणीयक्खवगस्स पढमसमए अपुवकरणमादि कादूण जाव पढमसमयकदकरणिज्जो त्ति एदम्हि अंतरे अणुभागखंडय-हिदिखंडयउक्कीरणद्धाणं जहण्णुक्कस्सियाणं हिदिखंडय-हिदिबंध हिदिसंतकम्माणं जहण्णुक्कस्सयाणं आबाहाणं च जहण्णुक्कस्सियाणमण्णेसिं च पदाणमप्पाबहुअं वत्तइस्सामो। तं जहा-"संवत्थोवा जहणिया अणुभागखंडयउक्कीरणद्धा । उक्कस्सिया अणुभागखंडयउक्कीरणद्धा विसेसाहिया । "हिदिखंडयउक्कीरणद्धा हिदिबंधगद्धा च जहण्णियाओ दो वि तुल्लाओ संखेजगुणाओ। ताओ उक्कस्सियाओ दो वि तुल्लाओ विसेसाहियाओ। कदकरणिजस्स अद्धा संखेजगुणा। सम्मत्तक्खवणद्धा संखेजगुणा । अणिवट्टिअद्धा संखेज्जगुणा । अपुवकरणद्धा संखेज्जगुणा। गुणसेढिणिक्खेवो विसेसाहिओ। "सम्मत्तस्स दुचरिमट्ठिदिखंडयं संखेज्जगुणं । तस्सेव चरिमट्ठिदिखंडयं संखेजगुणं । अट्ठवस्सहिदिगे संतकम्मे सेसे जं पढमं ट्ठिदिखंडयं तं संखेज्जगुणं । जहणिया आबाहा संखेज्जगुणा। उक्कस्सिया आबाहा संखेज्जगुणा। "पढमसमयअणुभागं अणु
(१) पृ. ७२ । (२) पृ. ७३ । (३) पृ. ७४ । (४) पृ. ७५ । (५) पृ. ७६ । (६) पृ. ७७ । (७) प. ७८ । (८) प. ७९ । (९) पृ. ८१ । (१०) पु. ८२ । (११) पृ.८३ । (१२) पृ. ८४ । (१३) प.८६ । (१४) पृ. ८७ । (१५) पृ. ८८ । (१६) पृ: ८९ । (१७) पृ. ९० । (१८) . ९१ । (१९) पृ. ९२ । (२०) पृ. ९३ । (२१) पृ. ९४ । (२२) पृ. ९५ ।