________________
સમાધિ મરણ
૧૩૯ ગયો હોઉં... જેના વચન લખાણ દ્વારા બીજાનું ખરાબ કરતો અટકી જઈ તેનું ભલું કરનાર બનેલ હોઉં... જેમણે મને વ્રત-પચ્ચખ્ખાણના માર્ગે ચડાવેલ હોય.. જેમના વચન લખાણથી મારી મોક્ષ માર્ગની શ્રદ્ધા દ્રઢ બની હોય... જેમના વચન કે લખાણથી મેં ધનની મમતા છોડીને શુભ માર્ગે – ધર્મમાર્ગે તે ધન વાપરેલ હોય તે બધા મારા ઉપકારી થયા, તેમનો ઉપકાર માનવો જોઈએ, યાદ રાખવો જોઈએ, બીજા પાસે કહેવો જોઈએ
તેના બદલે તેવા ઉપકારી પર મેં અપકાર કરેલ હોય કે તેમનું મન-વચન-કાયાથી જાણતા કે અજાણતા કંઈપણ અહિત કરેલ હોય તે બધાની હું માફી માંગું છું તે જીવો જ્યાં હોય ત્યાં ખુબ સુખી થાય. મનુષ્ય જન્મ પામે, દિક્ષા લે, કેવળી બને, મોક્ષે જાય.
ભવાંતરમાં પણ તે તે જીવો જ્યાં મળે ત્યાં હું તેમને સુખી કરનાર બનું.
કોઈપણ ભવમાં મારે કોઈપણ જીવનું ઋણ ચૂકવવાનું બાકી હોય તે બધાની હું માફી માંગું છું. જેમ બને તેમ ઝડપથી હું બધાનું ઋણ ચુકવી તેમાંથી મુક્ત બનું.
નિગોદથી આજ સુધી ભવભ્રમણ કરતા મેં મૃત્યુ પામીને જે શરીરો છોડ્યા છે... જે કાંઈ ધન મિલકત છોડેલ છે... જે કાંઈ કુટુંબ પરિવાર છોડેલ છે... તે બધું બીજા જીવોને ત્રાસ રૂપ થયેલ હોય. કર્મ બંધન કરાવનાર થયેલ હોય, શોક ઉપજાવનાર થયેલ હોય, ભય કરાવનાર થયેલ હોય, જુગુપ્સા કરાવનાર થયેલ હોય તેની હું માફી માંગું છું. તે પાપમાં પ્રવર્તતા પુદ્ગલોને વોસિરાવું છું.
કોઈપણ ધર્મ પાળતા ધર્મગુરૂનું મેં અપમાન કરેલ હોય, હાંસી-મજાક કરેલ હોય, તે ધર્મગુરૂની મેં નિંદા કે તિરસ્કાર કરેલ હોય, તેની હું માફી માંગું છું.
“મારો જ ધર્મ સારો, બીજાનો ખરાબ” એવી બુદ્ધિ રાખીને મેં બીજા ધર્મને બોલીને કે લખીને વખોડેલ હોય તેની હું માફી માંગું છું.
ધર્મનું ભણતા કે સ્કુલમાં ભણતા મેં ભણાવનાર ગુરૂનો તિરસ્કાર કરેલ હોય, નિંદા કરેલ હોય, મજાક-મશ્કરી કરેલ હોય તેની હું માફી માંગું છું.
ડોક્ટર કે દવાના વ્યાપારી તરીકે મેં કોઈને ખોટી દવા આપી હોય, ખોટા ટેસ્ટ-ઈજેક્શન-સારવારના નામે પૈસા લીધા હોય... જે તે કંપનીએ આપેલ લાલચને વશ બનીને સસ્તી દવા મળતી હોય છતાં મોંઘી દવા બતાવી હોય તે બધા કાર્યોની માફી માંગું છું. જે જીવો જોડે આવું વર્તન કરેલ હોય તેમની પણ હું માફી માંગુ છું. તે જીવો જ્યાં હોય ત્યાં સુખી થાય.
