Book Title: Jivan Jagruti Yane Samadhi Maran
Author(s): Hemant Hasmukhbhai Parikh
Publisher: Hemant Hasmukhbhai Parikh

View full book text
Previous | Next

Page 159
________________ સમાધિ મરણ ૧૪૫ ભક્તિ, સાધ્વી પુષ્પચુલા જેવી વૈયાવચ્ચ, ધન સાર્થવાહ જેવું દાન, મતિસુમતિ જેવી ભાવના, મેતારજ મુનિ જેવી કરૂણા, ગજસુકુમાલ જેવી ક્ષમા, મદનરેખા જેવું ધેર્ય, ખંધક મુનિ જેવી ક્ષમા, સ્કંધક આચાર્ય જેવી નિર્ધામણા, ભરત ચક્રવર્તી જેવી સાધર્મિક ભક્તિ, ચિલાતીપુત્ર જેવી સહનશીલતા, ઉદાયન મંત્રી જેવી તીર્થભક્તિ, જિનદાસ શ્રાવક જેવા સાધુભક્તિના પરિણામ, શિવંકર શ્રેષ્ઠિ જેવા સાધર્મિક ભક્તિના પરિણામ મળે. મારી શક્તિ પ્રમાણે હું ભૂખ્યાને અન્ન દેનાર બનું, તરસ્યાને પાણી દેનાર બનું, વસ્ત્રહીનને વસ્ત્ર દેનાર બનું, વિદ્યાહીનને વિદ્યા દેનાર બનું, જો મારી શક્તિ તેમ દેવાની ન હોય તો જે દેનારા છે તેમની પ્રશંસા કરનાર બનું. ક્યારેય તેમનો તિરસ્કાર ન કરું. છતી શક્તિએ આળસ કે મફત ખાવાની મનોવૃત્તિવાળા જોઉં તો તેમની ઉપેક્ષા કરનાર બનું પરંતુ નિંદા કરનારો ન બનું. પૃથ્વીકાયમાં જીવ છે, પાણીમાં જીવ છે, અગ્નિમાં જીવ છે, વાયુમાં જીવો છે જેમને મન મળેલ નથી. વિચાર કરવાની શક્તિ નથી. મને મન મળેલ છે પરંતુ મળેલ મન દ્વારા મેં નેગેટીવ વિચારણા વધારે કરી છે. પોઝીટીવ વિચારણા ઓછી કરી છે. હવે પછી હું સતત પ્રયત્ન કરું, સતત ઉપયોગ રાખું મને મળેલ મન દ્વારા બીજાના ભલાના વિચાર કરનારો બનું. મન દ્વારા પ્રભુસ્મરણ કરનારો બનું. બીજા બધા જીવોને શાંતિ મળે એવી વારંવાર મનમાં પ્રભુને પ્રાર્થના કરનારો બનું. કોઈ જીવને બીજા જોડે વેરભાવ ન રહે તેવું પ્રભુ પાસે હંમેશાં યાચના કરનારો મને પ્રતિકુળતા આવે ત્યારે અકળામણ ન કરૂં, દુઃખી ન થાઉં, હસતા મુખે એનો સ્વીકાર કરું.

Loading...

Page Navigation
1 ... 157 158 159 160 161 162 163 164 165 166 167 168 169 170 171 172 173 174 175 176