________________
એટલે આ દુર્લભ ભવમાં મૌલાપક ધર્મની કમાણી કરી લેવી એ જ સાર છે.
૨૮. બાલિકા કે સાધિકા
આ પ્રસંગ વાંચ્યો ત્યારે મનને આનંદ તો અત્યંત થયો પણ આશ્ચર્યનો પણ પાર ન રહ્યો, માત્ર પાંચ વર્ષની કાલિકા પણ કેવી ધર્મી હોય છે તે તમે પણ ખૂબ આદર સાથે વાંચો. મગજમાં કેન્સરની ગાંઠવાળી આ છોકરીએ માત્ર ૫ વર્ષની જીંદગીમાં કેટલા દુઃખો વેઠ્યા તે જાણી આપણી તો છાતી બેસી જાય ! અધૂરા માસે જન્મ થવાથી ડૉક્ટરોને આશ્ચર્ય થયું. તાત્કાલિક ઉપચારો કર્યાં. બચી ગઇ. પેટીમાં ૩ માસ રાખવી પડી. જન્મતા અતિ રૂપાળી જોઈ બધાને વ્હાલી થઇ પડી ! માતા પિતાએ આ પુણ્યશાળી બાળાને શ્રી શત્રુંજયની ૩ વાર અને શ્રીશંખેશ્વરજીની ૧ વાર યાત્રા કરાવી. એક વાર તેને કમળો થઇ ગયો. થોડા વખત પછી માથામાં પાછળના ભાગમાં દુઃખાવો થયો. એક્સ રે તપાસથી મગજમાં કેન્સરની ગાંઠનું નિદાન આવ્યું. હોસ્પિટલમાં દાખલ કરી. બિલકુલ રડે નહીં. ડૉક્ટરોને અત્યંત આશ્ચર્ય થાય કે મગજના કેન્સરમાં સમજુ, સહનશીલ હોય તો પણ રાડો પાડી માથા પછાડે. આ શું કોઇ દેવી છે છે કેવી રીતે આ આટલી ભયંકર પીડા સહન કરે છે. પાછી ૫ વર્ષની ટેણી ! સમજ, જ્ઞાન કશું ય નહીં. ઉપરથી તે તેની મમ્મીને શાંત રાખે, તેને થતું હશે કે હું રડીશ તો મમ્મીને પણ ઘણું દુ:ખ થશે. તેથી બધુ સહન કરે !
ધર્મી આ બાળાએ કાકા પાસે વચન લીધું કે સારી થઇ જાઉં તો મને શ્રી શાશ્વતગિરિની અને શંખેશ્વરજીની યાત્રા અને પૂજા કરાવવાની ! બાર પૂછવા આવનારાઓને સંસારની કોઇ વાત ન કરવા દે. આટલા દર્દમાં પણ માત્ર ધર્મ અને નવકા૨ની વાતો
જૈન આદર્શ પ્રસંગો-૪
૧૭૬
