________________
વળી આપણે પણ આપણા મનમાં સારા પ્રસંગોનું ચિંતવન કરવાની સુટેવ પાડવી જોઇએ. આવા સારા પ્રસંગો જોઇ, જાણી, વિચારણા કરે તેના જીવનનો અવશ્ય વિકાસ થાય છે. આમ તમારા મનમાં ભાવ, ઉલ્લાસ વધે; યથાશક્તિ જીવનમાં ધર્મના આચારો વધે અને તમે આત્મહિત સાધો એ જ શુભેચ્છા. સામાનું અશુભ, પાપાચાર, દુરાચાર કર્મ-પરવશ આખી દુનિયા જલદી ગ્રહણ કરે છે. ધર્મપ્રેમી તમારે બીજામાંથી પ્રેરણા લઈ શક્ય ધર્મકાર્યો તમારા જીવનમાં લાવવાની ટેવ પાડવી જોઇએ. આજે આ રમણભાઇનું જીવન ઉદારતા, સાધર્મિક ભક્તિ, કરુણા, સાધુભક્તિ આદિ અનેક ગુણોથી મઘમઘતું છે ! વળી વરસોથી નિયમિત રીતે આરાધેલ એક માત્ર સામાયિક વ્રતથી તેમના જીવનમાં સંતોષ, સમાધાન, પ્રસન્નતા અને પ્રશમ ભાવ ઝળકે છે.
તમે સૌ પણ રમણભાઈના જીવનમાંથી પ્રેરણા લઈ મળેલા આ મહાન માનવજન્મને સફળ બનાવી લ્યો એ જ શુભેચ્છા.
૨૭. તિથિ પૌષધ ભગવાનનગરના ટેકરે ધરણેન્દ્રભાઈ દશ તિથિ પૌષધ પ્રાયઃ કરે છે ! એક વાર તેમણે સાંભળ્યું કે રસિકભાઈ દશ તિથિ પૌષધ કરે છે તેથી તેમને પણ ભાવના થઇ ! બીજા કોઇ સાથે ન હોય છતાં એકલા પણ પૌષધ કરે. મહારાજ સાહેબ ઉપાશ્રયમાં ન હોય તો પણ કરે. હે સુશ્રાવકો ! યથાશક્તિ બાર તિથિ, પાંચ તિથિ, બે તિથિ પૌષધ, સામાયિક, તપ, વ્યાખ્યાનશ્રવણ વગેરે આરાધના કરવી જોઇએ. કારણ કે ભગવાન કહે છે કે સામાયિક, પૌષધ, શાસ્ત્ર-સ્વાધ્યાય, વ્યાખ્યાનશ્રવણ, જાપ, ધ્યાન, પ્રભુભક્તિ આદિમાં ગયેલો સમય જ સફળ છે. બાકીનો સમય તો ઉલટું સંસાર વધારનારો છે.
જૈન આદર્શ પ્રસંગો-૪
છિ
૧૭૫]
