________________
ભાવનાવાળા આ શિક્ષિકા જણાવે છે કે શનિ, રવિ રાત્રિ ભોજન ત્યાગ, નોકરી જતાં આવતા શ્રી નવકારનો જાપ, ધાર્મિક પુસ્તકોનું વાંચન વગેરે આરાધના કરવાની હૈયાની ઇચ્છા છે.
હે આરાધકો ! ધર્મ ભાવનામાં વિઘ્ન આવે તો હતાશ થયા વિના સાચા દિલથી પ્રભુને પ્રાર્થના કરવી કે મારી આ ભાવના પૂર્ણ કરજો. પ્રભુ-પ્રાર્થનાનો ચમત્કાર અભૂત છે ! ધર્મની ઇચ્છા સારી રીતે સફળ કરાવશે !
૩૦. અજેનની ધર્મશ્રદ્ધા બચુજી ઠાકોરે તેમના ધર્મપત્ની દેવુબા સાથે શ્રી શત્રુંજય, શંખેશ્વરજી આદિ ૧૪ જેટલા જૈન તીર્થોની યાત્રા ભક્તિથી કરી છે! કંદમૂળનો ત્યાગ કર્યો. અઠ્ઠાઇ તપ પર્યુષણમાં અને પાંચ તિથિ લીલોતરીનો ત્યાગ, રોજ ૩ નવકારવાળી, જુગાર, શિકાર આદિ મોટા બધા વ્યસનોનો ત્યાગ, પાન, બીડી, મસાલાઓનો ત્યાગ, અંતરાયનું પાલન, નોકરીમાં અત્યંત પ્રમાણિકતા વગેરે.
ઠાકોર જો આટલો ધર્મ કરતા હોય તો આપણે જૈનોએ તો કેટલો ધર્મ કરવો જોઇએ ? પૂજા, અભક્ષ્ય ત્યાગ વગેરે તો બધા જૈનો કરવો જ જોઇએ.
૩૧. મામલતદારનું જૈનત્વ સુશ્રાવક જે.બી. પરીખ વડોદરામાં ૧૯૭૦ માં ડેપ્યુટી મામલતદાર હતાં. તોફાનમાં ફરજ પર સાથે પોલિસ ટુકડી લાવેલા. તોફાન ખૂબ વધી ગયું. પોલિસોએ ફાયરીંગનો ઓર્ડર આપવા દબાણ કર્યું. પરીખે વિચાર્યું કે ગોળીબારથી ઘણાં મરે. જૈન એવા મારે આટલી બધી હિંસા કરવી ન શોભે ! છતાં સંજોગોવશ અહિંસક ફાયરનો ઓર્ડર આપવો પડ્યો. જૈિન આદર્શ પ્રસંગો-૪
