Jagadguru Hirvijaysuriji Sankshipta Jivan Charitra

Author(s): Ratnakirtivijay
Publisher: Ajahara Parshwanath Panchtirth Jain Pedhi

Page 45

જગદગુરુ
૩૫ હિંસા બંધ કરવામાં આવી. મરેલા મનુષ્યનું ધન ગ્રહણ કરવાનું બંધ કરવામાં આવ્યું. સિંધુ નદી અને કચ્છમાં જ્યાં ઘણાં મચ્છોની હિંસા થતી હતી ત્યાં ચાર મહિના કોઈ જાળ ન નાખે અને જીવોની હિંસા ન કરે તેવો હુકમ પણ બહાર પાડ્યો હતો.
આ રીતે જગદ્ગુરુ અને તેમના શિષ્યોના ઉપદેશથી અકબરની દયાવૃત્તિ ખૂબજ વધી હતી. તેનામાં દયાનું ઝરણું કઈ હદે વહેતું થયું તે અબ્દુલફજલે “આઈન-ઈ-અકબરી'માં કહેલા શબ્દોથી સમજાશે. “અકબર કહેતો કે મારું શરીર યદિ મોટું હોત, કે માંસાહારિયો એક માત્ર મારા શરીરને જ ખાઈને બીજા જીવોના ભક્ષણથી દૂર રહી શકતે તો કેટલું સારું થાત ? અથવા મારા શરીરનો એક અંશ કાપીને માંસાહારિઓને ખવડાવ્યા પછી પણ જો તે અંશ પુનઃ પ્રાપ્ત થતો હોત તો પણ હું રાજી થાત. હું માત્ર એક મારા શરીરથી જ તે બધાને તૃપ્ત કરી શકત !!!!” એનામાં પ્રગટેલી દયાનું આથી મોટું પ્રમાણ કર્યું હોઈ શકે ?
આ ઉપરાંત અમદાવાદ, ખંભાત, પાટણ વગેરે ક્ષેત્રોના સૂબાઓ ઉપર પણ જગદ્ગુરુનો ગજબનો પ્રભાવ હતો. તેઓએ પણ એમના ઉપદેશથી હિંસા-નિષેધના ફરમાનો બહાર પાડ્યાં હતાં.