Book Title: Jagadguru Hirvijaysuriji Sankshipta Jivan Charitra
Author(s): Ratnakirtivijay
Publisher: Ajahara Parshwanath Panchtirth Jain Pedhi
View full book text
________________
૪૬
જગદગુરુ
જગદ્ગુરુની અવસ્થા થઈ છે. પાટણથી સંઘ લઈને શત્રુંજય પધાર્યા. જંગમ-સ્થાવર તીર્થોની યાત્રાનો લાભ જાણીને સેંકડો સંઘો દર્શન-યાત્રાએ છ'રી પાળતા આવ્યા. યાત્રા પછી વિહાર કરવાનો નક્કી થયો. બધા સંઘોએ આગ્રહ કર્યો. દીવના લાડડી બાઈ નામના શ્રાવિકા હતા. બધા સંઘોના આગ્રહ વચ્ચે તેમણે કહ્યું : “સાહેબ ! ગામેગામ જ નહીં પણ દેશદેશાવર વિચરીને આપે બધેજ પ્રકાશ પાથર્યો છે. પણ અમો તો હજી સુધી અંધકારમાં જ રખડીએ છીએ. અમારા ઉપર ઉપકાર કરવા માટે પણ આપે પધારવું જોઈએ. અને જગદ્ગુરુએ દીવના સંઘની વિનંતિનો “વર્તમાન જોગ’ કહીને સ્વીકાર કર્યો.
જગદગુરુએ ઊના તરફ વિહાર કર્યો ને ત્યાંથી દીવ પધારી સ્થિરતા કરી. આ અવસ્થામાં પણ જગદ્ગુરુ જુદાજુદા અભિગ્રહો તથા નિયમો ધારણ કરતા. આત્માર્થીને વળી દેહના વિચાર શા ?
