________________
જગદગુરુ
૩૫ હિંસા બંધ કરવામાં આવી. મરેલા મનુષ્યનું ધન ગ્રહણ કરવાનું બંધ કરવામાં આવ્યું. સિંધુ નદી અને કચ્છમાં જ્યાં ઘણાં મચ્છોની હિંસા થતી હતી ત્યાં ચાર મહિના કોઈ જાળ ન નાખે અને જીવોની હિંસા ન કરે તેવો હુકમ પણ બહાર પાડ્યો હતો.
આ રીતે જગદ્ગુરુ અને તેમના શિષ્યોના ઉપદેશથી અકબરની દયાવૃત્તિ ખૂબજ વધી હતી. તેનામાં દયાનું ઝરણું કઈ હદે વહેતું થયું તે અબ્દુલફજલે “આઈન-ઈ-અકબરી'માં કહેલા શબ્દોથી સમજાશે. “અકબર કહેતો કે મારું શરીર યદિ મોટું હોત, કે માંસાહારિયો એક માત્ર મારા શરીરને જ ખાઈને બીજા જીવોના ભક્ષણથી દૂર રહી શકતે તો કેટલું સારું થાત ? અથવા મારા શરીરનો એક અંશ કાપીને માંસાહારિઓને ખવડાવ્યા પછી પણ જો તે અંશ પુનઃ પ્રાપ્ત થતો હોત તો પણ હું રાજી થાત. હું માત્ર એક મારા શરીરથી જ તે બધાને તૃપ્ત કરી શકત !!!!” એનામાં પ્રગટેલી દયાનું આથી મોટું પ્રમાણ કર્યું હોઈ શકે ?
આ ઉપરાંત અમદાવાદ, ખંભાત, પાટણ વગેરે ક્ષેત્રોના સૂબાઓ ઉપર પણ જગદ્ગુરુનો ગજબનો પ્રભાવ હતો. તેઓએ પણ એમના ઉપદેશથી હિંસા-નિષેધના ફરમાનો બહાર પાડ્યાં હતાં.
