Book Title: Jagadguru Hirvijaysuriji Sankshipta Jivan Charitra
Author(s): Ratnakirtivijay
Publisher: Ajahara Parshwanath Panchtirth Jain Pedhi
View full book text
________________
૨૮
જગદ્ગુરુ ‘શાંતિચંદ્રજીએ આપને શું કહ્યું ? તે કહો'. જગદ્ગુરુએ હકીકત કહીને કહ્યું – “આવી માગણી તો દૂર, આવો વિચાર પણ હું સ્વપ્નમાંય ન કરું !!! ગુરુભક્તિથી પ્રેરાઈને શિષ્યો કોઈ વિચાર રજુ કરે, પણ હું આવું કરી તો ન શકું, વિચારી પણ ન શકું. સૌ પોતાની મતિ અનુસાર ધર્મ કરે. મારો તો, સૌ પ્રત્યે સમભાવ રાખીને વર્તવું, એ ધર્મ છે.”
આ વાતથી અકબર એટલો ખુશ થયો કે – “આવી નિઃસ્પૃહતા રાખનારા સાધુ તો મેં હીરવિજયસૂરિને જ જોયા
છે. જેનામાં તુચ્છ સ્વાર્થનો છાંટોય નથી” - આવી વાત રાજ્યમંડળ સમક્ષ કરી.
અકબર જો કે વારંવાર કાર્ય સેવા ફરમાવો'ની માગણી કરતો પણ વારંવાર કહેવાથી જગદ્ગુરુને સંકોચ થતો. છતાંય એકવાર જગદ્ગુરુએ કહ્યું : “આપે માગણી પ્રમાણે આજ સુધી ઘણાં સારાં કાર્યો કર્યા જ છે ને વારંવાર મને કહેતા સંકોચ થાય છે છતાં પણ બીજાઓના ભલા માટે એક વાત મૂકું છું કે ગુજરાતમાં તીર્થક્ષેત્રોમાં જે મૂડકું લેવામાં આવે છે ને જીજયાવેરો લેવાય છે તેનાથી લોકોને બહુ ત્રાસ પડે છે. તો એ બંધ થાય તેવો આદેશ બહાર પડે તો સારું.”
જગદ્ગુરુના વચનને માન આપી તરત જ તેણે ફરમાન બહાર પાડ્યાં. બીજા રાજ્યોમાં તો બંધ હતો, હવે ગુજરાતમાંથીયે તેની નાબૂદી થતી હતી.
