Gandharwad

Author(s): Dalsukh Malvania
Publisher: B J Institute

Page 414

गाथा २०१८ ]
गणधरवादनी गाथाओ
विसयसुहं दुक्खं च्चि य दुक्खपडिगारतो तिगिच्छ व्व । तं सुहमुवयारातो पण योवयारो विणा तच्चं ।।२००६।। तम्हा जं मुत्तसुहं तं तच्चे दुक्खसंखएऽवस्सं । मुणिणोऽणाबाधस्स व णिप्पडिकारप्पसूतीतो ।।२००७।। जध वा णाणमयोऽयं जीवो णाणोवघाती चावरणं । करणमणुग्गहकारिं सव्वावरणक्खए सुद्धी ॥२००८।। तध सोक्खमयो जीवो पावं तस्सोवघातयं णेयं । पण्णमणुग्गहकारिं सोक्खं सव्वक्खए सयलं ॥२००९।। जध वा कम्मक्खयतो सो सिद्धतादिपरिणतिं लभति ।। तध संसारातीतं पावति ततो च्चिय सुहं पि ॥२०१०।। सातासातं दुक्खं तस्विरहम्मि य सुहं जतो तेणं । देहिदिएसु दुक्खं सोक्खं देहिंदियाभावे ॥२०११।। जो वा देहिंदियजं सुहमिच्छति तं पडुच्च दोसोऽयं । संसारातीतमितं धम्मंतरमेव सिद्धिसुहं ॥२०१२।। कधमणुमेयं५ ति मती णाणाणाबाधतो ति णणु भणितं । तदणिच्चं णाणं पि य चेतणधम्मो ति रागो व्व ।।२०१३।। कत कातिभावतो वो णावरणावाधकारणाभावा । उप्पातद्वितिभंगस्सभावतो वा ण दोसोऽयं ॥२०१४॥ ण ह वइ. ससरीरस्स प्पियप्पियोवहतिरेवमादि च जं । तदमोक्खो णासम्मि व सोक्खाभावम्मि व ण जुत्त ॥२०१५।। णट्ठो असरीरो च्चि सुह-दुक्खाई पियप्पियाई च । ताई ण फुसति णटुं फुडमसरीरं ति को दोसो ॥२०१६।। वेतपताण य अत्थं ण सुट्ठ जाणसि इमाण तं सुणसु । असरीरव्ववदेसी अधणो व्व सतो णिसेधातो ॥२०१७।। णणिसेधतो य अण्णम्मि तविहे चेव पच्चओ जेण ।। तेणासरीरग्गहणे जुत्तो जीवो ण खरसिंगं ॥२०१८॥ १. ण य उवयारे। मु० को० । २. घाइयं मु० के० । ३. अह्वा कम्म को० ४. सुहं ति मु० का० । ५. कह नणु मेयं मु०। ६. वे ता० । ७, ताण तमत्थं ता० ।