Charitra Sara

Author(s): Chamundrai, Indralal Shastri, Udaylal Kasliwal
Publisher: Manikchand Digambar Jain Granthamala Samiti

Page 109

अनगारधर्मे तपोवर्णनम् ।
१०३
रादिषु कृताऽभिष्वंगस्य संसारे सर्वकालमभिष्वंग एव । मयाऽनुभूतांगना सुरूपेति सविलासेति कलागुणविशारदेति स्मरणं, तत्कथाश्रवणं रतिपरिमलाधिवासितस्त्रीसंसक्तशयनाऽऽसनमित्येवमादि पूर्व - रतानुचिंतनवर्जनं परिपूर्णब्रह्मचर्यमित्याख्यायते । ब्रह्मचर्यमनुपालयंत हिंसादयो दोषा न संस्पृशति । नित्याऽभिरतगुरुकुलवासमधिवसंति गुणसंपदः । वरांगनाविलासविभ्रमविधेयीकृतः पापैरपि विधेयीक्रियते । अजितेंद्रियता हि लोके प्राणिनामपमानविधात्री ।
इत्येवमुत्तमक्षमाया उत्तममार्दवस्योत्तमार्जवस्योत्तम शौचस्योत्तमसत्यस्योत्तमसंयमस्योत्तमतपस उत्तमत्यागस्योत्तमाकिंचन्यस्योत्तमब्रह्मचर्यस्य तत्प्रतिपक्षणां च गुणदोषविचारपूर्विकायां क्रोधादिनिवृत्तौ सत्यां तन्निबंधन कर्मास्वाऽऽभावान्महान् संवरो भवति ।
तत्त्वार्थराद्धान्तमहापुराणेवाचारशास्त्रेषु च विस्तरोक्तम् । आख्यात्समासादनुयोगवेदी
चारित्रसारं रणरंगसिंहः
इति सकलाऽऽगमसंयम संपन्नश्रीमज्जिन सेनभहारकश्रीपादपद्मप्रसादाSsसादितचतुरनुयोगपारावारपारगधर्मविजयश्रीमश्चामुण्डरायमहाराजविरचिते भावनासारसंग्रहे चारित्रसारेऽनगारधर्मः समाप्तः ॥
समाप्तोयं ग्रन्थः ।