Chandappahachariyam ni Rupkatha

Publisher: ZZ_Anusandhan

Page 19

88
taणपत्र ए वि विसए उक्कोसयं जहन्नं च । एएसि दुवेण्हँ पि हु चिंता आउट्टिईए कया || २०६|| चंदाइच्चा गह रिक्ख तारया जोइसाउ पंचविहा ! तत्थ य ससीण पलियं अब्भहियं वास लक्खेण ॥ २०७॥ आइच्चाण उं तं चिय वाससहस्साहियं गहाणं तु संपुन्नमेव पलियं नक्खत्ताणं तु तस्सद्धं ॥ २०८॥ ताराण चडब्भागो पलियस्सुकोसओ जहन्नाओ । तस्सेव अट्ठभागो पुव्वचउण्हं तु चउभागो ॥ २०९॥ सि पुरा वासाणं हेल्लितलो नहंमि रयणाए । समभागाओ सत्तहिं नउइंहिं जोयणसएहिं ॥ २१०॥ अट्ठहि सहि सूरो चंदो असिएहिं अट्ठहिं सएहिं । उवरिमतलं तु तेसिं नवहिं सएहिं मुणेयव्वं ॥ २११|| सड्ढाए रज्जूए उवरिं विमाणिया सुरा होंति । सोहम्माइ दुवालस- कप्पेसुं कप्पसंपन्ना ॥ २१२ ॥ कप्पाइयासु नवसु य गेवेज्जेसुं अणुत्तरेसुं च । पंचसु महाविमाणेसु होंति असरिससुहाण निही ||२१३ ॥ तेसु य जहन्नमाउं सोहम्मे पलियमेक्कमुवरइयं । दो सागरोवमाई उक्कोसेणं तु तत्थ ठिई ॥ २१४॥ ईसाणे वि हु एवं दोसु वि ठाणेसु नवरमहियत्तं । कप्पे सणकुमारे जहन्नओ दोनि अराई || २१५ ॥ उक्कोसेणं सत्त उ माहिंदे ताई दोनि अहियाई । सत्तेव बंभलोए जहन्नमियरं तु दस ताइं ॥ २१६ ॥ दस चेव जहन्नेणं लंतयकप्पंमि चउदसुक्कोसा । सुक्कंमि जहन्त्रेण चोद्दस सत्तरस उक्कोसा ||२१७॥ सत्तरस सहस्सारे जहन्नेओ अट्ठदस उ उक्कोसा । अडदस जहन्न उक्कोसेगुणवीसाणए कप्पे ॥२१८॥ पाणयकप्पे स चिय जहन्नओ वीसई पुणो इयरा । वीस जहन्ना आरणकप्पे इगवीसमियराओ ॥ २१९ ॥