Book Title: Bhuvansundari Kathayam Varnitani Samudrik Shastra Kathit Lakshanani Author(s): Shilchandrasuri Publisher: ZZ_Anusandhan View full book textPage 3
________________ अनुसंधान-१६ . 30 गूढमणिबंधसुदिढा सम्मं सुसिलिट्ठसंधिसंजुत्ता । हत्था नरनाहाणं विवरीया होंति इयराण ।।१९।। हत्थंगुलिणो सरला चिराउसाणं हवंति सुकुमारा । सण्हा मेहावीणं थूला परक्कम्मकारीण ॥२०॥ हुति नहा दरसोणा अपुप्फिया अवणयंग्गभागा य । रायाणं इयरेसिं विवरीया होंति विन्नेया ।।२१॥ अइकिसदीहं चिबुयं अधणाणं मंसलं च सुपमाणं । रायाणं विनेयं अणुब्भडं संगयावयवं ॥२२॥ अहरेहिं अवक्केहिं बिंबाकारेहि हुँति रायाणो । फुडिय-विवनविखंडिय-रुक्खेहिं य हुंति धणहीणा ॥२३॥ निद्धा पमाणदीहा तिक्खग्गा हुंति सुंदरा दसणा । जीहा रत्ता दीहा लण्हा सरिसा य रायाण ॥२४॥ सोमं समुज्जलं अमलिणं च चंदोवमं नरिंदाणं । विवरीयमधन्नाणं होइ मुहं लक्खणविहीणं ॥२५।। निम्मंस-आयएहिं या रोमस-विउलेहिं हुंति कन्नेहिं । रायाणो ससिरेहिं हुस्सेहिं य हुंति पावनरा ॥२६॥ संपुन-समंसल-कूचरहियगंडेहिं नरवई हुंति । सरला य सण्हविवरा समुन्नया नासिया धन्ना ॥२७॥ पउमदलदीहरेहि रत्तंतेहिं च हुँति रायाणो । नयणेहि पिंगलेहिं मज्जारसमेहिं कूरमणा ॥२८॥ अद्धिदुसमनिडाला रायाणो हुँति सयलमहिवलए । धणहीणा विनेया पुरिसा जे विसमभालयला ।।२९।। च्छत्तागारसिरा जे रायाणो हुंति नत्थि संदेहो । आकुंचिय-घण-निद्धा अप्फुडिया सुंदरा केसा ॥३०॥ ||३० Jain Education International For Private & Personal Use Only www.jainelibrary.orgPage Navigation
1 2 3 4
