________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
શ્રી આત્માનંદ પ્રકાશ વર્ષ: ૩ અંક ૬, ૧૬ એપ્રિલ ૨૦૦૩]
[૧૧ જૈન આર્યતીર્થ અયોધ્યાપુરમ ખાતે ભવ્ય પ્રતિષ્ઠા મહોત્સવની થયેલી ઉજવણી
ભાવનગર જિલ્લામાં વલ્લભીપુર નજીક નવાગામ ઢાળ ખાતે નવનિર્માણ પામેલ જૈન આર્મતીર્થ અયોધ્યાપુરમ ખાતે ૨૩ ફુટની અજોડ પ્રતિમાની પ્રતિષ્ઠા શનિવાર તા. ૨૨મી ફેબ્રુઆરીના રોજ કરવામાં આવી. આ અયોધ્યાપુરમ તીર્થ બંધુ બેલડી આ. શ્રી જિનચંદ્રસાગરસૂરિજી મ. સા. અને આ.શ્રી હેમચંદ્રસાગરસૂરિજી મ.સા.ની પ્રેરણાથી નિર્માણ થયું છે અને તેમની નિશ્રામાં અભૂતપૂર્વ મહોત્સવ ઉજવાયો છે. આ અંગેનો ૧૮ દિવસનો મહા મહોત્સવ તા. ૬ ફેબ્રુઆરીથી શરૂ થયો હતો અને તા. ૨૩ ફેબ્રુઆરી સુધી ચાલ્યો હતો. આ સુઅવસર ગચ્છાધિપતિ આ. શ્રી સૂર્યોદયસાગરસૂરીશ્વરજી મ. સા. આદિ આઠ આચાર્ય ભગવંતો અને પ00થી વધુ શ્રમણ-શ્રમણી ભગવંતો પધાર્યા હતા.
આ પ્રસંગે અનેક ભવ્ય અનુષ્ઠાનો, સૌરાષ્ટ્રના સંતોનું સ્નેહમિલન, શ્રમણિ સંમેલન, સુપ્રસિદ્ધ સંગીતકાર રવિન્દ્ર જૈન, અશોક ગેમાવત, કાર્તિક શાહ વગેરેની આલ્હાદક ભક્તિ વગેરે કાર્યક્રમોથી આ તીર્થ ગૂંજી ઉઠ્યું હતું. કેન્દ્રીય પ્રધાન ભાવનાબેન ચીખલીયા, ગુજરાતના ઉર્જામંત્રી સૌરભભાઈ પટેલ, સંસ. સભ્યો, વિધાન સભ્યો અને શેઠશ્રી શ્રેણિકભાઈ સહિત અનેક અગ્રગણ્ય જૈન આગેવાનોની મુલાકાતથી આ મહોત્સવ શાનદાર રીતે શાસનપ્રભાવના પૂર્વક ઉજવાયો.
સાત એકરમાં પથરાયેલું આ તીર્થ સંકુલ અદ્ભુત આકર્ષક અને મનમોહક બન્યું છે. જૈને આધુનિક ઈતિહાસનું આ એક શ્રેષ્ઠ સર્જન છે.
ભાવનગર ખાતે વર્ષીતપના આરાધકોના પારણા વર્તમાન અવસર્પિણીકાળમાં ભરતક્ષેત્રમાં પ્રથમ તીર્થંકર પરમ ઉપકારી શ્રી ઋષભદેવ પ્રભુએ આરાધેલા મહાતપના આંશિક અનુકરણરૂપ વર્તમાનમાં વર્ષીતપની આરાધના કરાય છે. શ્રી શ્રેયાંસકુમારે પ્રભુજીને ઈશુરસ વહોરાવી પારણું કરાવેલ અને દાન-ધર્મનો માર્ગ ખુલ્લો મુકેલ, તેની સ્મૃતિમાં ઇક્ષરસનું પારણું પણ કરાય છે.
જૈન શાસન શિરતાજ તપાગચ્છાધિરાજ પૂ. આ. શ્રી વિજયરામચંદ્રસૂરીશ્વરજી મ. સા. ના શિષ્યપ્રશિષ્યરત્ન વર્ધમાન તપોનિધિ પૂ. આ. શ્રી વિજયગુણયશસૂરીશ્વરજી મ. સા. તથા પ્રવચન પ્રભાવક પૂ. આ. શ્રી વિજયકીર્તિયશસૂરીશ્વરજી મ. સા. ના સદઉપદેશથી ભીંજાઈ શ્રી જૈન આત્માનંદ સભાના ઉપપ્રમુખશ્રી દિવ્યકાંત મોહનલાલ સલોત (એડવોકેટ) તથા તેમના ધર્મપત્ની અ.સૌ. ગીતાબેન દિવ્યકાંત સલોતે પણ ચાલુ વર્ષે વર્ષીતપની સુંદર આરાધના આરાધેલ છે.
આ વર્ષીતપની આરાધનામાં ૪૨ આરાધકો જોડાયેલા છે. આ મહાવર્ષીતપનું પારણું આગામી તા. ૪-પ-૦૩ના (વૈ.શ.૩-અખાત્રીજ) ભાવનગર ખાતે રાખવામાં આવેલ છે.
આ મહા વર્ષીતપના આરાધકોની અમો ભૂરિ-ભૂરિ અનુમોદના કરીએ છીએ અને શુભેચ્છાઓ પાઠવીએ
છીએ.
લિ. શ્રી જૈન આત્માનંદ સભા ભાવનગર
જૈન ગૌરવ એવોર્ડ મેળવતા ડૉ. કુમારપાળ દેસાઈ ગત તા. ૨૩ માર્ચના રોજ મુંબઈ સ્થિત ક્રોસ મેદાનમાં ભવ્ય સમારોહમાં સુપ્રસિદ્ધ જૈનાચાર્ય અહિંસાયાત્રા પ્રવર્તક આચાર્યશ્રી મહાપ્રજ્ઞજીની પાવન નિશ્રામાં જૈન સમાજનો સર્વોચ્ચ સન્માન “જૈન ગૌરવ” એવોર્ડ અમદાવાદ નિવાસી ડૉ. કુમારપાળ દેસાઈને અર્પણ કરવામાં આવેલ.
For Private And Personal Use Only
