________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
શ્રી આત્માનંદ પ્રકાશ વર્ષ ૩ અંક ૬, ૧૬ એપ્રિલ ૨૦૦૩]
[૧૯
શ્રી જૈન આત્માનંદ સભા આયોજિત યાત્રા પ્રવાસ
અહેવાલઃ મુકેશ સરવૈયા શ્રી જૈન આત્માનંદસભા-ભાવનગર દ્વારા ગત તા. ૧૨-૧-૦૩ને રવિવારના રોજ ઘોઘા, પાર્થભક્તિધામ-તણસા, તળાજા, દાઠા, પાલીતાણા-તલેટીનો એક દિવસીય તીર્થ યાત્રા પ્રવાસ યોજવામાં આવ્યો હતો.
આ યાત્રા પ્રવાસ કારતક માસનો ડેમ તથા માગસર માસનો ઘોઘા સંયુક્ત રાખવામાં આવ્યો હતો. જેમાં ઘોઘા તથા ડેમના દાતાશ્રીઓની વ્યાજની રકમમાંથી ગુરુભક્તિ, તીર્થભક્તિ તથા સ્વામીભક્તિ કરવામાં આવી હતી.
આ યાત્રા પ્રવાસમાં ડોનરશ્રીઓ, સભ્યશ્રીઓ તથા ગેસ્ટશ્રીઓ જોડાયા હતા.
ભાવનગરથી એક લક્ઝરી બસ દ્વારા વહેલી સવારે ૬=૩૦ કલાકે નીકળી સવારના ૭=૩૦ કલાકે ઘોઘા પહોંચ્યા હતા. અહિં સેવા-પૂજા-દર્શન-ચૈત્યવંદન તથા નવકારશી કરી સવારના ૯=૩૦ કલાકે પાર્થભક્તિધામ-તણસા પહોંચ્યા હતા. અહિ સેવા-પૂજા-દર્શન આદિ કરી તલાજા તરફ પ્રયાણ કર્યું હતું. તળાજા-તાલધ્વજ ગિરિરાજ ઉપર દાદાના દર્શન-સેવા-પૂજા-ચૈત્યવંદન કરી બપોરના ૧=૦૦ વાગે દાઠા પહોંચ્યા હતા. અહિં દેવ-દર્શન-પૂજા આદિ કરી બપોરના દાઠા ભોજનશાળામાં બપોરનું જમણ લીધું હતું. અહિંથી શેત્રુંજી ડેમ તરફ રવાના થયા હતા. અહિ દેવ-દર્શન-ચૈત્યવંદન કરી ચા-પાણી નાસ્તો કરી પાલીતાણી-તલેટી તરફ પ્રયાણ કર્યું હતું. અહિ તલેટીમાં દેવ-દર્શન કરી બાબુના દેરાસર દર્શન કરી લગભગ બે કલાકના રોકાણ બાદ ભાવનગર તરફ પરત પ્રયાણ કર્યું હતું.
આમ પંચતીર્થીનો અનેરો લાભ લઈ રાત્રીના ૧૦:૩૦ કલાકે ભાવનગર પહોંચ્યા હતા.
કે સાહિત્ય સમાલોચના : શ્રી જૈન આત્માનંદ સભા-ભાવનગર (શ્રી મહાવીર જૈન વિદ્યાલય-મુંબઈ)ના સહકારથી “શ્રી સ્થાનાંગ સૂત્રમ્ ભાગ-૧નું પ્રકાશન કરવામાં આવેલ છે. જેની કિંમત રૂા. ૫૫૦ છે. સંપર્ક સૂત્ર : શ્રી જૈન આત્માનંદ સભા
ખારગેઈટ, ભાવનગર-૩૬૪૦૦૧ ફોન : (૦૨૭૮) ૨૫૧૬૯૮
ધર્મ કેવો છે? ધર્મ અગ્નિ જેવો છે, કારણ કે કર્મોને બાળે છે. ધર્મ પાણી જેવો છે, કારણ કે તે આત્માના મેલને ધૂવે છે. ધર્મ વિજળી જેવો છે, કારણ કે તે જ્ઞાનનો પ્રકાશ આપે છે. ધર્મ વરાળ જેવો છે, કારણ કે તે જીવને મોક્ષભણી પ્રયાણ કરાવે છે.
For Private And Personal Use Only
