________________
Shri Mahavir Jain Aradhana Kendra
૧૪]
www.kobatirth.org
Acharya Shri Kailassagarsuri Gyanmandir
| શ્રી આત્માનંદ પ્રકાશ વર્ષ : ૨ અંક ૧૦, ૧૬ ઓગસ્ટ ૨૦૦૨
કલકત્તામાં યોજાઈ ગયેલ
ડૉ. કુમારપાળ દેસાઈના પ્રવચનો
જૈન એકેડેમી કલકત્તાના ઉપક્રમે વિખ્યાત સાહિત્યકાર અને જૈનદર્શનના આંત૨રાષ્ટ્રીય ખ્યાતિ પ્રાપ્ત વિદ્વાન ડૉ. કુમારપાળ દેસાઈના પ્રવચનો યોજવામાં આવ્યા હતા. એમની સરળ અને માર્મિક વાણી, શાસ્ત્રીય છણાવટ તથા મૌલિક ચિંતનથી ભરેલી પ્રવચન શૈલીએ કલકત્તાના સાંસ્કૃતિક, ધાર્મિક અને સાહિત્યિક જગતમાં નવીન ચેતના જગાડી હતી. જૈન એકેડેમી (કલકત્તા)નો સહયોગ મેળવીને અન્ય જુદી જુદી સંસ્થાઓએ પણ એમના પ્રવચનનું આયોજન કર્યું હતું.
જૈન એકેડેમી દ્વારા આયોજિત ૨૨ જુન અને શનિવારે સાંજે જ્ઞાનમંચ ઓડિટોરિયમમાં પ્રથમ પ્રવચન ‘ભગવાન મહાવીરસ્વામીના જીવન રહસ્યો' વિશે યોજાયું હતું.
તા. ૨૩મી જુન રવિવારે સવારે પ્રિટોરિયા સ્ટ્રીટના જ્ઞાનમંચ ઓડિટોરિયમમાં ડૉ. કુમારપાળ દેસાઈએ ‘વિશ્વધર્મ: ચાર ભાવના’એ વિશે વક્તવ્ય આપ્યું હતું. બપોરના કલકત્તાના ગુજરાતી સાહિત્ય મંડળમાં ‘અર્વાચીન ગુજરાતી સાહિત્ય' ૫૨ તથા સાંજના કલકત્તાના જૈન જાગૃતિ સેન્ટર દ્વારા દુઃખની પાનખરમાં જીવનનો આનંદ'એ વિષય પર લાક્ષણિક શૈલીમાં પ્રવચનો યોજાયા હતા.
તા. ૨૪ જુન સોમવારે સવારે સ્થાનકવાસી વાડીમાં યોજાયેલ જુદી જુદી સંસ્થાઓના અગ્રણીઓની સભામાં ડૉ. કુમારપાળ દેસાઈએ જણાવ્યું કે આજે સૌથી મોટી જરૂર ધાર્મિક પાઠશાળાઓને ચેતનવંતી કરવાની છે. સમાજમાં જ્ઞાનની ગરિમા સ્થાપવાની છે. આજના વિશ્વને અહિંસા, પર્યાવરણ, સંયમ, અપરિગ્રહ અને અનેકાંતવાદથી જૈનધર્મ નવો પ્રકાશ આપી શકે તેમ છે. માત્ર એને માટે જૈનોએ એક અને નેક બનવાની જરૂર છે. આ રીતે ડૉ. કુમારપાળ દેસાઈનો ચાર દિવસનો આ વ્યાખ્યાન પ્રવાસ કલકત્તાના સંસ્કારી અને જિજ્ઞાસુ શ્રોતાઓ માટે અપૂર્વ અવસર બની ગયો.
આ તમામ વ્યાખ્યાનોના આયોજનમાં જૈન એકેડેમીના પ્રમુખ શ્રી હર્ષદ દોશી, ઉપપ્રમુખ અશ્વિન દેસાઈ, મંત્રીશ્રી હરખભાઈ શાહ, સહમંત્રીશ્રી પ્રફુલ્લ કોઠારી, ખજાનચી શ્રી એન. ડી. મહેતા આદિ ટ્રસ્ટીગણે તેમજ અન્ય મહાનુભાવોએ ઘણી જહેમત ઉઠાવી હતી.
For Private And Personal Use Only
