Ashtpahud Gatha

Author(s): Hukamchand Bharilla
Publisher: Todarmal Granthamala Jaipur

Page 21

जं किंचि कयं दोसं मणवयकाएहिं असुहभावेण । तं गरहि गुरुसयासे गारव मायं च मोत्तूण ।।१०६।। दुजणवयणचडक्कं णिठुरकडुयं सहति सप्पुरिसा। कम्ममलणासणटुं भावेण य णिम्ममा सवणा ।।१०७।। पावं खवइ असेसंखमाए पडिमंडिओ य मुणिपवरो। खेयरअमरणराणं पसंसणीओ धुवं होइ ।।१०८।। इयणाऊण खमागुण खमेहि तिविहेण सयल जीवाणं। चिरसंचियकोहसिहं वरखमसलिलेण सिंचेह ।।१०९।। दिक्खाकालाईयं भावहि अवियारदसणविसुद्धो। उत्तमबोहिणिमित्तं असारसाराणि मुणिऊण ।।११०।। सेवहि चउविहलिंगं अब्भंतरलिंगसुद्धिमावण्णो। बाहिरलिंगमकजं होइ फुडं भावरहियाणं ।।१११।। आहारभयपरिग्गहमेहुणसण्णाहि मोहिओ सि तुमं । भमिओ संसारवणे अणाइकालं अणप्पवसो।।११२।। बाहिरसयणत्तावणतरुमूलाईणि उत्तरगुणाणि । पालहि भावविशुद्धो पूयालाहं ण ईहंतो।।११३।। भावहि पढमं तच्चं बिदियं तदियं चउत्थ पंचमयं । तियरणसुद्धो अप्पं अणाइणिहणं तिवग्गहरं ।।११४।। जाव ण भावइ तच्चं जाव ण चिंतेइ चिंतणीयाई। ताव ण पावइ जीवो जरमरणविवज्जियं ठाणं ।।११५।। पावं हवइ असेसं पुण्णमसेसं च हवइ परिणामा। परिणामादो बंधो मुक्खो जिणसासणे दिट्ठो।।११६।। मिच्छत्त तह कसायासंजमजोगेहिं असुहलेसेहिं । बंधइ असुहं कम्मं जिणवयणपरम्मुहो जीवो ।।११७।। तव्विवरीओ बंधड़ सुहकम्मं भावसुद्धिमावण्णो।। दुविहपयारं बंधइ संखेपेणेव वज्जरियं ।।११८।। णाणावरणादीहिं य अट्ठहिं कम्मेहिं वेढिओ य अहं । डहिऊण इण्डिं पयडमि अणंतणाणाइगुणचित्तां ।।११९।।
(21)