Agam Suttani Satikam Part 15 Nishitha

Author(s): Dipratnasagar, Deepratnasagar
Publisher: Agam Shrut Prakashan

Page 8

पीठिका- [भा. १]
नमो नमो निम्मल दंसणस्स पंचम गणधर श्री सुधर्मास्वामिने नमः
३४/१ निशीथ-छेदसूत्रम्
सटीकं
॥३॥
प्रथमं छेद सूत्रम्] उद्देशकाः १.....६ - पर्यन्ताः मूलम् + [नियुक्तियुक्तेन]भाष्यम् + चूर्णिः]
(पीठिका) ॥१॥ नमिऊणऽरहंताणं, सिद्धाण य कम्मचक्कमुक्काणं ।
सयणसिनेहविमुक्काण, सव्वसाहूण भावेण ॥ ॥२॥ सविसेसायरजुत्तं, काउ पमाणंच अत्थदायिस्स।
पञ्जुण्णखमासमणस्स, चरण-करणानुपालस्स। एवं कयप्पनामो, पक्कप्पनामस्स विवरणं वन्ने ।
पुव्वारियकयं चिय, अहं पितं चेव उ विसेसा॥ ॥४॥
भणिया विमुत्तिचूला, अहुणावसरो निसीहचूलाए।
को संबंधो तस्सा, भण्णइ इणमो निसामेहि ॥ [भा. १] नवबंभचेरमइओ, अट्ठारस-पद-सहस्सिओ वेदो ।
___ हवइ य सपंचचूलो, बहुबहुयरओ पयग्गेण ॥ चू. “णद" इति संख्यावागयो सद्दो । “बंभ" चउब्विहं नामादि । तत्थ नामबंभंजीवादीणं जस्स बंभ इति नामं कज्जति । ठवणाबंभं अक्खातिविन्नासो । अहवा जहा बंभणुप्पत्ती आयारे भणिया तहा भाणियव्वा । गयाओ नाम-ठवणाओ । इयाणिं दव्वबंभं । तं दुविहं । आगमओ नोआगमओय। आगमओ जाणए, अनुवउत्ते। नोआगमओ-जाव-वइरित्तं । अन्नाणीणं जो वत्थि-संजमो, जाओ य अकामिआओ रंडकुरंडाओ बंभं धरेंति तं सव्वं दव्वबंभं । भावबंभं दुविहं आगमओ नोआगमओ य। आगमओ जाणए उवउत्ते । नोआगमओ साहूणं वस्थिसंजमो । वत्थि-संजमोत्ति मेहुणाओ विरती । साय अट्ठारसविहा भवति । सा इमा-ओरालियं चदिव्वंचजंतंओरालियं तं न सेवति, न सेवाविति, सेवंतं पिअन्नं न समणुजानाति । एवं दिव्वे वितिन्नि विकप्पा । जंतं ओरालियं न सेवतितं मणेणं वायाएकाएणं एवं कारावणानुमतीए वि तिन्नि तिन्नि विकप्पा । एते णव । एवं दिव्वे वि नव य । एते दो नवगा अट्ठारस हवंति ।अहवा सत्तरसविहो संजमो भावबंभं भवति । गयं भावबंभ।
इयाणिं “चेरं" ति चरणं । तं छव्विहं । नामं १ ठवणा २ दविए ३ खेते ४ काले ५ य भावचरणं ६ चिति । नाम-ठवणाओ, गयाओ।