Agam Sutra Satik 21 Pushpika UpangSutra 10

Author(s): Dipratnasagar, Deepratnasagar
Publisher: Agam Shrut Prakashan

Page 11

अध्ययनं-३
सोमिलो निग्गतोखंडियविहुणोजावएवं वयासी-जत्ता ते भंते! जवणिजंचंते! पुच्छा सरिसवया मासा कुलत्या एगे भवं जाव संबुद्धे सावगधम्म पडिवजित्ता पडिगते ।
ततेणं पासेणं अरहा अन्नया कदायि वाणारसीओ नगरीओ अंबसालवणातो चेइयाओ पडिनिक्खमति २ बहिया जनवयविहारं विहरति । तते णं से सोमिले माहणे अन्नदाकदायि असाहुदसणेण य अपञ्जुवासणताएय मिच्छत्तपञ्जवेहिं परिवड्डमाणेहिं २ सम्मत्तपज्जवेहिं परिहायमाणेहि मिच्छत्तं च पडिवन्ने।
तते णं तस्स सोमिलस्स सोमिलस्स माहणस्स अन्नदा कदायि पुव्वत्तावरत्तकालसमयंसि कुडुंबजागरियंजागरमाणस्स अयमेयारवे अज्झथिएजाव समुप्पज्जित्था-एवंखलुअहंवाणारसीए नयरीए सोमिले नाम माहणे अचंतमाहणकुलप्पसूए।
ततेणं मए वयाई चिन्नाइंवेदाय अहीया दारा आहूया पुत्ता जणिता इट्वीओ संमाणीओ पसुवधा कया जन्ना जेट्टा दक्खिणा दिन्ना अतिही पूजिता अग्गीहूया जूया निक्खित्ता, तं सेयं खलु ममं इदानि कल्लं जाव जलंते वाणारसीए नयरीए बहिया बहवे अंबारामा रोवावित्तए, एवं माउलिंगा बिल्ला कविठ्ठा चिंचा पुष्फारामा रोवावित्तए, एवं संपहेति संपेहिता कलं जाव जलते वाणारसीए नयरीए बहिया अंबारामे य जाव पुप्फारामे य रोवावेति।
ततेणंबहवे अंबारामा य जाव पुप्फारामा य अनुपुब्वेणं सारखिज्जमाणा संगोविजमाणा संवड्डिजमाणाआरामा जाता किण्हा किण्हाभासा जावरम्मा महामेहनिकुरंबभूता पत्तिया पुष्फिया फलिया हरियगरेरिज्जमाणसिरिया अतीव २ उपसोभेमाणा २ चिट्ठति ।
तते णं तस्स सोमिलस्स माहणस्स अन्नदा कदायि पुवरत्तावरत्तकालसमयंसि कुटुंबजागरियं जागरमाणस्स अयमेयास्वे अज्झथिए जाव समुप्पजित्था-एवं खलु अहं वाणारसीए नयरीए सोमिले नामं माहणे अनंतमाहणकुलप्पसूते, तते णं मए वयाई चिण्णाइं जाव जूवा निखित्ता, ततेणं मए वाणारसीए नयरीए बहिया बहवे अंबारामाजाव पुप्फारामा यरोवाविया, तं सेयं खलु ममं इदानि कल्लं जाव जलंते सुबहुं लोहकडाहकडुच्छुयं तंबियंतावसभंडं घडावित्ता विउलं असनं पानं खाइमं साइमं मित्तनाइ० आमंतित्ता तं मित्तनाइमियग० विउलेणं असन जाव सम्माणित्ता तस्सेव मित्त जाव जेट्टपुत्तं कुटुंबे ठावेत्ता खाइमं साइमं मित्तनाइ० आमंतित्तातं मित्तनाइनियग० विउलेणं असन जाव सम्माणित्ता तस्सेव मित्त जाव जेहपुत्तं कुडुंबे ठावेत्ता तं मित्तनाइ जाव आपुच्छित्ता सुबहु लोहकडाहकडुच्छुयंतंबियतावसभंडगंगहायजे इमे गंगाकूला वाणपत्था तावसा भवंति, तंजहा
होत्तिया पोत्तिया कोत्तिया जनती सङ्घती घालती हुंबउट्ठा दंतुक्खलिया उम्मजगा संमज्जगानिमजगा संपक्खालगा दक्खिणकूला उत्तरकूला संखधमा कूलधमा मियलुद्धया हस्थितावसा उदंडा दिसापोखिणो वक्तवासिणो बिलवासिणो जलवासिणो रुक्खमूलिया अंबुभविखणो वायुभक्खिणो सेवालभक्खिणो मूलाहारा कंदाहारा तयाहारा पत्ताहारा पुप्फाहारा फलाहारा बीयाहारा परिसडियकंदमूलतयपत्तपुप्फफलाहारा जलाभिसेयकढिणगायभूता आयावणाहिं पंचग्गीतावेहिं इंगालसोल्लियं कंदुसोल्लियं पिव अप्पाणं करेमाणा विहरति ।