Agam Sutra Satik 21 Pushpika UpangSutra 10

Author(s): Dipratnasagar, Deepratnasagar
Publisher: Agam Shrut Prakashan

Page 16

३८
पुष्पिका-उपाङ्गसूत्रम् ३/७ भट्टे य पुवसंगतिते य तं चेव जाव कट्ठमुद्दाए मुहं बंधति, बंधित्ता अयमेतारुवं अभिग्गहं अभिगिण्हति जत्येव णं अम्हं जलंसि वा एवं थलंसि वा दुग्गसि वा निन्नसि वा पव्वतंसि वा विसमंसि वा गड्डाए वा दरीए वा पक्खलिज वा पवडिज्ज वा नो खलु मे कप्पति पत्रुट्टित्तएत्ति कटु अयमेयास्यवं अभिग्गहं अभिगिण्हति ।
___उत्तराएदिसाए उत्तराभिमुह पत्याणं (महपत्याण) पत्थिए से सोमिले माहणरिसी पुब्बावरण्हकालसमयंसिजेणेव असोगवरपायवे तेणेव उवागते, असोगवरपायवस्सअहे कढिणसंकाइयं ठवेति २ वेदि वडेइ २ उवलेवणसंमजणं करेति २ दमकलसहत्वगते जेणेव गंगा महानई जहा सिवो जाव गंगातो महानईओ पञ्चुत्तरइ, जेणेव असोगवरपायवे तेणेव उवा० २ दब्भेहि य कुसेहि य वालुयाए वेदि रतेति, रतित्ता सरगं करेति २ जव बलिं वइस्सदेवं करेति २ कट्ठमुद्दाए मुहं बंधति तुसिणीए संचिट्ठति।।
ततेणं तस्स सोमिलमाहणरिसिस्स पुव्वरत्तावरत्तकालसमयंसिएगे देवे अंतियं पाउन्भूते तते णं से देवे सोमिलं माहणं एवं वयासि-हं भो सोमिलमाहणा! पव्वइया दुपब्बइतं ते । तते णं से सोमिले तस्स देवस्स दोघं पि तच्चं पि एयमद्वं नो आढाति नो परिजाणइ जाव तुसिणीए संचिहति । तते णं से देवे सोमिलेणं माहणरिसिणा अणाढाइजमाणे जामेव दिसि पाउन्भूते तामेव जाव पडिगते।
तते णं से सोमिले कलं जाव जलते वागलवत्यनियत्थे कढिणसंकाइयं गहियग्निहोत्तभंडोवकरणे कठमुद्दाए मुहं बंधति २ उत्तराभिमुहे संपत्थिते । तते णं से सोमिले बितियदिवसम्मि पुवावरण्हकालसमयंसि जेणेव सत्तिवन्ने अहे कढिणसंकाइयं ठवेति २ वेतिं वदेति २ जहा असोगवरपायवे जाव अग्गि हुणति, कट्ठमुद्दाए मुहं बंधति, तुसिणीए संचिट्ठति।
ततेणंतस्स सोमिलस्स पुब्बरतावरत्तकालसमयंसि एगे देवे अंतियं पाउन्भूए । तते णं से देवे अंतलिक्खपडिवो जहा असोगवरपायवेजाव पडिगते। तते णं से सोमिले कलंजाव जलंते वागलवस्थनियत्थे कढिणसंकाइयं गेण्हति २ कट्ठमुद्दाए मुहं बंधति २ उत्तरदिसाए उत्तराभिमुहे संपत्थिते।
ततेणं से सोमिले ततियदिवसम्मि पुव्वावरण्हकालसमयंसिजेणेव असोगवरपायवेतेणेव उवा०२ असोगवरपायवस्स अहे कढिणसंकाइयंठवेति, वेतिं वड्डेति जाव गंगं महानई पञ्चुत्तरति २ जेणेव असोगवरपायवे तेणेव उवा०२ असोगवरपायवस्स अहे कढिणसंकाइयं ठवेति, वेति वड्डेति जाव गंगं महानई पच्चुत्तरतिर जेणेव असोगवरपायवे तेणेव उवा०२ वेति २ वेतिरएति २ कट्ठमुद्दाए मुहं बंधति र तुसिणीए संचिट्ठति । तते णं तस्स सोमिलस्स पुब्बरतावरत्तकाले एगे देवे अंतियं पाउ० तं चेव भणति जाव पडिगते।
तते णं से सोमिले जाव जलते वागलपत्थनियत्थे कढिणसंकाइयं जाव कट्ठमुद्दाए मुहं बंधति र उत्तराए दिसाए उत्तराए संपत्थिए।ततेणंसे सोमिले चउत्यदिवसपुचावरण्णकालसमयसि जेणेव वडपायवे तेणेव उवागते वडपायवरस अहे किढिणं संठवेतिर वेइंववेति उवलेवणसंमजणं करेति जाव कट्ठमुद्दाए मुहं बंधति, तुसिणीए संचिट्ठति ।
तते णं तस्स सोमिलस्स पुब्वरत्तावरत्तकाले एगे देवे अंतियं पाउ० तं चैव भणति जाव