Agam Sutra Satik 19 Nirayavalika UpangSutra 08

Author(s): Dipratnasagar, Deepratnasagar
Publisher: Agam Shrut Prakashan

Page 24

अध्ययनं -१
जाव जनवयं च एक्कारसभाए विरिचति २ सयमेव रज्जसिरिं करेमाणे पालेमाणे विहरति ।
मू. (१७) तत्थ णं चंपाए नगरीए सेणियस्स रत्रो पुत्ते चेल्लणाए देवीए अत्तए कूणियस्स रन्नो सहोयरे कनीयसे भाया वेहल्ले नामं कुमारे होत्था सोमाले जाव सुरूवे । तते णं तस्स वेहल्लस्स कुमारस्स सेणिएणं रन्ना जीवंतएणं चेव सेयणए गंधहत्थी अट्ठारसवंके हारे पुव्वदिने तए णं से वेहल्ले कुमारे सेयणएणं गंधहत्यिणा अंतेउरपरियालसंपरिवुडे चंपं नगरिं मज्झं मज्झेणं निग्गच्छइ २ अभिक्खणं २ गंगं महानई मज्जणयं ओयरइ ।
तते णं सेयणए गंधहत्थी देवीओ सोंडाए गिण्हति २ अप्पेगइयाओ पुढे ठवेति, अप्पेगइयाओ खंधे ठवेति, एवं अप्पे० कुंभे ठवेति, अप्पे० सीसे ठवेति, अप्पे० दंतमुसले ठवेति, अप्पे० सोंडाए गहाय उड्डुं वेहासरं उब्विहइ, अप्पे० सोंडागयाओ अंदोलावेति, अप्पेगइया दंतंतरेसु नीति, अप्पे० सीभरेण पहाणेति, अप्पेगइयाओ अनेगेहिं कीलावणेहि कीलावेति ।
२१
तते णं चंपाए नयरीए सिंघाडगतिगचउक्कचच्चरमहापहपहेसु बहुजणो अन्नमन्नस्स एवमाइक्खइ जाव परूवेति- एवं खलु देवाणुप्पिया ! वेहल्ले कुमारे सेयणएणं गंधहत्थिणा अंतेउरं तं चैव जाय नेगेहिं कीलावणएहिं कीलावेति, तं एस णं वेहल्ले कुमारे रज्जसिरिफलं पचनुब्भवमाणे विहरति, नो कूणिए राया ।
तते णं तीसे पउमवईए देवीए इमीसे कहाए लद्धट्ठाए समाणीते अयमेयारूवे जाव समुपखित्था, एवं खलु वेहल्ले कुमारे सेयणएणं गंधहत्थिणा जाव अनेगेहिं कीलावणएहिं कीलावेति, तं एस vidहल्ले कुमारेर सिरिफलं पञ्चनुब्भवमाणे विहरति, नो कोणिए राया, तं किं अम्हं रज्ज्रेण वा जाब जनवएण वा जइ णं अम्हं सेयणगे गंधहत्थी नत्थि ? तं सेयं खलु ममं कूणियं रायं एयमहं विनवित्तए तिकटु एवं संपेहेति २ जेणेव कूणिए राया तेणेव उवा० २ करतल जाव एवं वयासि - एवं खलु सामी वेहल्ले कुमारे सेयणएण गंधहत्थिणा जाव अनेगेहिं कीलावणाहिं कीलावेति, तं किण्हं सामी अम्हं रज्रेण वा जाव जनवएण वा जति णं अम्हं सेयणए गंधहत्थी नत्थि ? तए णं से कूणिए राया पउमावईए देवीए एयमद्वं नो आढाति नो परिजाणति तुसिणीए संचिट्ठति । तते णं सा पउमावई देवी अभिक्खणं २ कूणियं रायं एयमहं विन्नवेइ ।
तणं से कूणिए राया पउमवईए देवीए अभिक्खणं २ एयमहं विनविज्रमाणे अत्रया कयाइ वेहल्लं कुमारं सद्दावेति २ सेयणगं गंधहत्थि अट्ठारसवंकं च हारं जायति । तते णं से वेहल्ले कुमारे कूणियं रायं एवं वयासि एवं खलु सामी सेणिएणं रन्ना जीवंतेणं चेव सेयणए गंधहत्थी अट्ठारसयंके य हारे दिने, तं जइ णं सामी ! तुब्भे ममं रजस्स य (जनवयस्स य) अद्धं दलह तो णं अहं तुब्धं सेयणयं गंधहत्थिं अट्ठारसवंकं च हारं दलयामि । तते णं से कूणिए राया वेहल्लस्स कुमारस्स एयमहं नो आढाति नो परिजाणइ अभिक्खणं २ सेयणगं गंधहत्थि अट्ठारसवंकं च हारं जायति । तए णं तस्स वेहल्लस्स कुमारस्स कूणिएणं रना अभिक्खणं २ सेयणगं गंधहत्थिं अट्ठारसवंकं चहारं एवं अक्खिविउकामेणं गिण्हिउकामेणं उद्दालेउकामेणं ममं कूणिए राया सेयणगं गंधहत्थि अट्ठारसवंकं च हारं तं जाव ताव ममं कूणिए राया सेयणगं गंधहत्थि अट्ठारसवंकं च हारं गहाय अंतेउर परियाल संपरिवुडस्स सभंडमत्तोवकरणमाताए चंपातो नयरीतो पडिनिक्खमित्ता वेसालीए नयरीए अजगं चेडयं रायं उवसंपञ्जित्ताणं विहरित्तएष एवं संपेहेति २ कूणियस्स रत्री अंतराणि