Agam Sutra Satik 19 Nirayavalika UpangSutra 08

Author(s): Dipratnasagar, Deepratnasagar
Publisher: Agam Shrut Prakashan

Page 27

निरयावलिका- उपाङ्गसूत्रम् - १/१८
२४
इमेणं कारणेणं पडिसेहित्ता अदुत्तरं च णं ममं तच्चे दूते असकारिते अवद्दारेणं निच्छुहावेति तं सेयं खलु देवाणुप्पिया! अम्हं चेडगस्स रन्नो जुत्तं गिण्हित्तए। तए णं कालाईया दस कुमारा कूणियस्स रनो एयमहं विनएणं पडिसुणेति ।
तते गं से कूणिए राया कालादीते दस कुमारे एवं वयासि-गच्छह णं तुन्भे देवाणुपिया ! सएस सएस रज्जेसु पत्तेयं पत्तेयं व्हाया जाव पायच्छित्ता हत्थिखंधवरगया पत्तेयं पत्तेयं तिहिं दंतिसहस्सेहिं एवं तिहिं रहसहस्सेहिं तिहिं आससहस्सेहिं तिहिं मणुस्सकोडीहिं सद्धिं संपरिबुडा सव्विड्डीए जाव रवेणं सतेहिं२तो नगरेहिंतो पडिनिक्खमह २ ममं अंतियं पाउब्भवह।
तणं ते कालाईया दस कुमारा कोणियस्स रनो एयमहं सोचा सएस सएसु रजेसु पत्तेयं २ व्हाया जाव तिहिं मणुस्सकोडीहिं सद्धिं संपरिवुडा सव्विड्डीए जाव रवेणं सएहिं २ तो नगरेहिंतो पडिनिक्खमंति, जेणेव अंगा जणवए जेणेव चंपा नगरी जेणेव कूणिए राया तेणेव उवागता करतल० जाव वद्धावेति । तते णं से कूणिए राया कोडुंबियपुरिसे सद्दावेति २ एवं व्यासि - खिप्पामेव भो देवाणुप्पिया ! अभिसेक्कं हत्थिरयणं पडिकप्पेह, हयगयरहचातुरंगिणि सेनं संनाहेह, ममं एयमाणत्तियं पञ्चपप्पिणह, जाव पञ्चप्पिणंति ।
तणं से कूणिए राया जेणेव मज्जणघरे तेणेव उवागच्छइ जाव पडिनिग्गच्छित्ता जेणेव बाहिरिया उवट्ठाणसाला जाव नरवई दुरूढे । तते गं से कूणिए राया तिहिं दंतिसहस्सेहिं जाव रवेणं चंप नगरि मज्झं मज्झेणं निग्गच्छति २ जेणेव कालादीया दस कुमारा तेणेव उवागच्छइ २ कालाइ एहिं दसहिं कुमारेहिं सद्धिं एगतो मेलायंति ।
तते गं से कूणिए राया तेत्तीसाए दंतिसहस्सेहिं तेत्तीसाए आससहस्सेहिं तेत्तीसाए रहसहस्सेहि तेत्तीसाए मणुस्सकोडीहिं सद्धिं संपरिवुडे सव्विड्डीए जाव रवेणं सुभेहिं वसहीपायरासेहिं नातिविगिट्ठेहिं अंतरावासेहिं वसमाणे २ अंगजनवयसस्स मज्झं मज्झेणं जेणेव विदिहे जनवते जेणेव वेसाली नगरी तेणेव पहारित्थगमणाते ।
तते से चेडए राया इमीसे कहाए लद्धट्टे समाणे नवमल्लई नवलेच्छई कासीकोसलका अट्ठारस वि गणरायाणो सद्दावेति २ एवं वयासी एवं खलु देवाणुप्पिया ! वेहल्ले कुमारे कूणियस्स रन्नी असंविदितेणं सेयणगं अट्ठारसवंकं च हारं गहाय इहं हव्वमागते, तते णं कूणिएणं सेयणगस्स अड्डारसर्वकस्स य अड्डाए तओ दूया पेसिया, ते य मए इमेणं कारणेणं पडिसेहिया ।
तते णं से कूणिए ममं एयमहं अपडिमुणमाणे चाउरंगिणीए सेनाए सद्धिं संपरिवुडे जुज्झसजे इहं हव्वमागच्छति, तं किंतु देवाणुप्पिया! सेयणगं अट्ठारसवंकं कूणियस्स रन्नो पञ्चप्पिणामो ? वेल्लं कुमारं पेसेमो ? उदाहु जुज्झित्था ? तते गं नवमलई नवलेच्छती कासीकोसलगा अट्ठारस वि गणरायाणो चेडगं रायं एवं वदासिन एवं सामी ! जुत्तं वा पत्तं वा रायसरिसं वा जनं सेथणगं अङ्कारसवंकं कूणियस्स रन्नो पञ्चप्पिणिञ्जति, वेहल्ले य कुमारे सरणागते पेसिजति, तं जइ णं कूणिए राया चाउरंगिणीए सेनाए सद्धिं संपरिवुडे जुज्झसत्रे इहं हव्यमागच्छति, तते णं अम्हे कुणिएणं रन्ना सद्धिं जुज्झामो ।
तते णं से चेडए राया ते नवमल्लई नवलेच्छई कासीकोसलगा अट्ठारस वि गणरायाणी एवं वदासी - जइ णं देवाणुपिया ! तुभे कूणिएणं रन्ना सद्धिं जुज्झह, तं गच्छह णं देवाणुप्पिया ! सतेसु २ रज्जेसु पहाया जहा कालादीया जाव जएणं विजएणं वद्धावेति । तते णं से चेडए राया